«Шмат што Генадзем Іванавічам зроблена па разьвіцьці эканамічнага патэнцыялу вобласьці, – распавёў Косінец пра свайго новага намесьніка. – Гэта падрыхтаваны чалавек, які ў выніку сумоўя ў прэзыдэнта атрымаў высокую адзнаку».

Генадзь Грабнёў пачаў чыноўніцкую кар’еру з кантрольна-рэвізійнай службы. Потым ён быў намесьнікам кіраўніка адміністрацыі Першамайскага раёну Віцебску, намесьнікам начальніка фінансавага кіраваньня, старшынём камітэту эканомікі Віцебскага абласнога выканаўчага камітэту. Цягам апошніх трох гадоў новы намесьнік Косінца кіраваў адміністрацыяй Кастрычніцкага раёну Віцебску.

Крыніца: Дыялёг Online газэта