Акцыю арганізаваў «Цэнтар культуры “Віцебск”. У анонсе прапаноўвалася прыйсьці “са сваёй самай улюбёнай кнігай падпахай”».

Насамрэч флэшмоб выглядаў як падрыхтаванае мерапрыемства. На імпрэзу прыйшлі каля 30 чалавек. Большасьць арганізавана зайшлі ў культурніцкую ўстанову і выйшлі адтуль на чале зь дзіўным пэрсанажам у мушкецёрскім капелюшы і на дыбах. Гэта быў «мадэратар» флэшмобу. Ён вывеў людзей на ходнікі па вуліцы Леніна і пачаў імпрэзу.

Пасьля яго каманды ўсе разгарнулі прынесеныя з сабой кнігі і цягам пяці хвілінаў чыталі іх.

За гэты час можна было пацікавіцца выбарам «улюбёных кніг». Тут былі і «Русские народные сказки», і «Загадки», і навукова-папулярныя выданьні. Нехта чытаў нават з уласнага нататніка. Адзін з удзельнікаў трымаў кнігу віцебскага літаратара Давіда Сімановіча.

Дзень беларускага пісьменства прайшоў 4 верасьня ў Рагачове ў Гомельскай вобласьці. Налета сьвята прыме Віцебшчына: сталіцай Дня пісьменства будзе Полацак.

svaboda.org