7 стужак, якія пакажуць у Віцебску
-
«Сустрэча выпускнікоў / the Reunion» (Швэцыя, 2013), рэжысэрка Анна Одэлл.
Мастачку не запрасілі на сустрэчу выпускнікоў. У адказ яна здымае фільм пра тое, што магло б адбыцца, калі б яна туды пайшла…
Стужку пакажуць у офісе YMCA (вул. Кастрычніцкая,13). Пачатак – 7 лістапада а 17-й.
-
«Вырасла, пакуль ты спала» (Польшча, Беларусь, 2018), рэж. Марцін Саўтэр.
Гісторыя пра таленавітую музыку Караліну Орсік зь Беларусі. Фільм зьняў вучань славутага Анджэя Вайды.
Глядзець 8 лістапада ў арт-пабе TORVALD. Пачатак а 16-й гадзіне.
-
«Атам» / Atomic (Вялікабрытанія, 2015), рэж. Марк Казінс.
Дакумэнтальны фільм аб ядравай бомбе, скінутай на Хірасіму, і яе «спадчыне».
Кінапаказ у межах «Кінаночы» у бітлз-клюбе «Паддашак» (23:00 – 05:00).
-
«Працэс. Расейская Фэдэрацыя супраць Алега Сянцова» (Польшча, Чэхія, 2018), рэж. Аскольд Куроў.
Фільм, зьняты ў падтрымку ўкраінскага кінарэжысэра Алега Сянцова з боку міжнароднай супольнасьці і ягоных калег па цэху.
Кінапаказ у межах «Кінаночы» у бітлз-клюбе «Паддашак» (23:00 – 05:00).
-
«Лайла ля моста» (Данія, 2018), рэж. Элізабэт і Гюлістан Мізраяй.
Фільм пра «маці наркаманаў» Лайлу Хадары, якая змагаецца за захаваньне свайго цэнтру, у яким лечыць ад наркаманіі. Усё гэта на тле фізычных пагроз і сыходу міжнароднай супольнасьці з Аўганістану…
Кінапаказ у межах «Кінаночы» у бітлз-клюбе «Паддашак» (23:00 – 05:00).
-
«Стрыптыз і вайна» (Беларусь, 2019), рэж. Андрэй Куціла.
«Канфлікт пакаленьняў становіцца роздумам аб супярэчнасьцях постсавецкай прасторы…»
Кінапаказ у межах «Кінаночы» у бітлз-клюбе «Паддашак» (23:00 – 05:00).
-
«Падзямельле надзеі» / The Underground of Hope» (Польшча, 2018).
Праблема мэдычнай марыхуаны ўсё яшчэ выклікае шмат эмоцый у Польшчы. Гутаркі з экспэртамі і лекарамі не пакідаюць сумневаў: пакараньне за марыхуану павінны атрымліваць толькі наркагандляры…
Прагляд адбудзецца ў офісе YMCA (вул. Кастрычніцкая,13), пачатак – 18.00.
WATCH DOCS Belarus – фэстываль дакумэнтальнага кіно аб правах чалавека. Упершыню паказы прайшлі ў Варшаве ў 2001 годзе, а ў 2015 годзе фэстываль прыйшоў у Беларусь. За пяць гадоў WATCH DOCS стаў пляцоўкай для сустрэч з праваабаронцамі, палітыкамі, адмыслоўцамі ў іншых абласьцях, кінарэжысэрамі і героямі фільмаў.
Зьміцер Міраш