Такім чынам, легальна адзначыць на вуліцах гораду Дзень Канстытуцыі – сьвята, уведзенае калісьці ўказам прэзыдэнта краіны, – віцебчукам ня ўдасца.

Рашэньне Ляпёшкінай – цалкам прадказальнае. Ад моманту набыцьця моцы згаданым рашэньнем №881 «Аб масавых мерапрыемствах у горадзе Віцебску» яшчэ не знайшлося нікога, хто здолеў бы выканаць яго патрабаваньні пра папярэдняе заключэньне дамоваў з рознымі дзяржаўнымі службамі гораду.

На тое, што Канстытуцыя Рэспублікі Беларусь гарантуе грамадзянам свабоду мітынгаў, пікетаў, дэманстрацыяў і г.д., мясцовыя чыноўнікі ўжо даўно не зважаюць – рашэньне гарвыканкаму для іх мае вышэйшы прыярытэт у параўнаньні з асноўным законам краіны і дае магчымасьць быццам бы на законнай падставе пазбаўляць жыхароў гораду іх фундамэнтальных правоў.

Кастусь Дзьвінскі