Паводле артыкулу 328 Крымінальнага Кодэксу (Незаконнае абарачэньне наркатычных сродкаў), у 2019 годзе былі асуджаныя 52 падлеткі. Найчасьцей непаўнагадовым інкрымінавалі частку 1-ю і частку 3-ю артыкулу 328 (па 23 чалавекі).
Паводле статыстыкі Вярхоўнага суду, 31 падлетак (59,6%) быў асуджаны да пазбаўленьня волі, 10 чалавек (19,2%) – да абмежаваньня волі, 8 асобаў атрымалі адтэрміноўку выкананьня пакараньня і толькі адзін падлетак быў вызвалены ад пакараньня.
Наагул жа, за злачынствы, прадугледжаныя арт. 328, летась асудзілі 2191 асобу. З гэтай колькасьці 638 чалавек былі асуджаныя паводле частак 2-5 «антынаркатычнага» артыкулу, 99,7% зь іх апынуліся за кратамі, то бок прысуджаныя да пазбаўленьня волі.
За ўчыненьне іншых злачынстваў летась асудзілі 727 падлеткаў. Найчасьцей непаўнагадовых судзілі за злачынствы супраць уласнасьці і парадку ажыцьцяўленьня эканамічнай дзейнасьці (за крадзеж – 274 чалавекі).
З 727 асуджаных 90 падлеткаў пакараныя пазбаўленьнем волі.
Зьміцер Міраш