Пятніца, 14 Студзень 2022

У 2021 годзе суды Віцебскай вобласці прызналі экстрэмісцкімі 90 тэлеграм-каналаў

Ацаніць гэты матэрыял
(1 голас)

Самымі выніковымі «знішчальнікамі ТГ» былі раённыя суды Віцебску. Ім удалося «знішчыць» 74 «электронных экстрэмістаў». На рахунку астатніх раённых судоў вобласці толькі 16 «перамог». Больш за ўсіх шчыраваў суд Чыгуначнага раёну Віцебску.

Суд Чыгуначнага раёну Віцебску ў 2021 годзе вынес 25 рашэнняў у дачыненні да 54 медыярэсурсаў. Суд Кастрычніцкага раёну прыняў 21 рашэнне ў дачыненні да 21 тэлеграм-каналу. Суд Першамайскага раёну зрабіў гэта адзін раз і прызнаў наяўнасць экстрэмісцкіх матэрыялаў у адным інтэрнэт-рэсурсе.

Калі казаць пра выніковасць, то далей ідуць раённыя суды Віцебскай вобласці, якія прынялі рашэнні па 16 рашэнняў у дачыненні да 16 ТГ. Так, суд Наваполацку прызнаў экстрэмісцкімі матэрыяламі 5 рэсурсаў, суд Гарадоцкага раёну – 3, Расонскага і Лепельскага па 2, суд Дубровенскага, Шаркаўшчынскага, Глыбоцкага і Мёрскага раёнаў – па адным.

Ініцыятарамі прыняцця судамі рашэнняў па прызнанні матэрыялаў экстрэмісцкімі былі 7 упраўленне (па Віцебскай вобласці) ГУБАЗіК Міністэрства ўнутраных спраў Рэспублікі Беларусь або органы пракуратуры.

Павел Жукаў