У пратаколе аб адміністрацыйным правапарушэнні запісана, што Аксана на сваёй асабістай старонцы ў сацыяльнай сетцы «УКантакце» захоўвала інфармацыйную прадукцыю інтэрнэт-супольнасці з назвай «Гэта Мінск, дзетка! THISMINSK MEDIA». Раней улады ўключылі гэтую суполку ў рэспубліканскі спіс экстрэмісцкіх матэрыялаў. У судовым паседжанні жанчына вінаватай сябе прызнала цалкам.

Суддзя Мацкевіч пры вынясенні пакарання ўлічыла прызнанне «правапарушальніцай» віны і яе раскаянне ў зробленым і на падставе ч.2 арт.19.11 КаАП аштрафавала Шэлепаву ў даход дзяржавы ў памеры 15 базавых велічыняў на суму 600 рублёў.

Раман Міцін