Кандыдат у прэзыдэнты Беларусі на выбарах 2015 году працягнула сваё падарожжа па гарадох Віцебскай вобласьці, распачатае ў мінулую суботу. 8 сьнежня Тацьцяна Караткевіч сустрэлася з жыхарамі Глыбокага, Полацку, Наваполацку і Ўшачаў.

У плянах экс-кандыдата ў прэзыдэнты – да пачатку калядных сьвятаў наведаць 35 гарадоў ва ўсіх куткох Беларусі. Віцебшчына стала першым з рэгіёнаў, куды ў межах свайго турнэ накіравалася Тацьцяна Караткевіч. 5 сьнежня яна сустрэлася са сваімі прыхільнікамі ў Бешанковічах, Віцебску і Воршы.

30 лістапада адбылася ацэначная сустрэча ўдзельнікаў кампаніі «Права выбару», якія зьдзяйсьнялі назіраньне за выбарчым працэсам у Віцебскай вобласьці падчас выбараў прэзыдэнта. Сустрэча сталася апошняй у шэрагу падобных, праведзеных у рэгіёнах краіны.

24 кастрычніка падчас сустрэчы з наведнікамі віцебскага «Эўрапейскага клюбу» менскі палітоляг Андрэй Ляховіч зрабіў прагноз, што ніякіх значных зьменаў у палітычнай сфэры пасьля прэзыдэнцкіх выбараў чакаць ня трэба.