У Беларусі па-ранейшаму працягваюцца затрыманні, ператрусы, катаванні ў ізалятарах, аказваецца ціск на палітвязняў, незалежныя медыяпрадукты прызнаюць экстрэмісцкімі матэрыяламі. Адбываюцца рэпрэсіі ў дачыненні да грамадзян, якія актыўна выказваюць сваю пазіцыю ў адносінах да вайны, распачатай узброенымі сіламі Расіі. Праваабарончы цэнтр "Вясна" 28 верасня збірае апошнія факты палітычнага пераследу грамадзян Беларусі. Калі вас ці вашых блізкіх затрымалі, паведамляйце нам:
|
Раніцай у Мінску затрымалі мужа і жонку
Праваабаронцам стала вядома пра затрыманне Сяргея і Вольгі Ламан. Сёння раніцай да іх прыйшлі сілавікі і правялі ператрус, пасля якога мужа і жонку затрымалі. Дома ў іх засталіся двое непаўнагадовых дзяцей.
Паводле папярэдняй інфармацыі, супраць Вольгі і Сяргея можа быць распачата крымінальная справа. Па якім артыкуле — невядома.
Так выглядае кватэра затрыманых пасля ператрусу.
У Мінску затрыманая 24-гадовая дзяўчына
У Мінску супрацоўнікі ГУБАЗ раніцай 27 верасня затрымалі Анастасію Кізім. Бацькам дзяўчыне паведамілі, што яе “праблемы з законам”.
Разам ў ёй ва ўпраўленне ГУБАЗ на Рэвалюцыйную, 3 паехаў і яе бацька Сяргей Кізім.
З таго часу і ён не выходзіць на сувязь.
Папаўненне ў спісе "экстрэмісцкіх" матэрыялаў
Тэлеграм-каналы "Дзікае Паляванне" і "АЧК-Беларусь" прызнаныя "экстрэмісцкімі".
Адапаведныя рашэнні прынялі суд Ленінскага раёну Гродна і суд Баранавіцкага раёну.
Інфармацыя дапаўняецца.
Крыніца: Затрыманні ў Мінску, новыя "экстрэмісцкія" паблікі: хроніка пераследу 28 верасня