Суд Лідскага раёна 14 лістапада разглядае крымінальную справу Дзмітрыя Мядзведскага, якога абвінавачваюць у арганізацыі і падрыхтоўцы дзеянняў, якія груба парушаюць грамадскі парадак, псаванні шляхоў зносін і абразе прэзідэнта.

Судовы працэс вядзе суддзя Наталля Лобан, якая зусім нядаўна, 26 верасня бягучага году, была прызначана суддзёй  на 5 гадоў. 

Мядзведскага затрымалі 2 верасня 2022 года, а ўжо 6 верасня 2022 года з'явілася “пакаяльнае” відэа з затрыманнем Дзмітрыя, у якім ён паведамляе, што ў 2020 годзе знаходзіўся ў чаце "Ліда 97%", дзе актыўна пісаў паведамленні. Таксама пісаў аб сваіх дзеяннях у плане "Перамога".

Па версіі сілавікоў заклікаў да страйку, пратэстаў, а таксама прапаноўваў ладзіць дыверсіі на чыгунцы.

Яго вінавацяць адразу па трох артыкулах Крымінальнага кодэксу:

ч. 1 арт. 309 КК РБ – наўмыснае псаванне транспартнага сродку ці шляхоў зносін;

ч.1 арт. 342 КК РБ – арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх;

ч. 1 арт. 368 КК РБ – абраза прэзідэнта.

Судовы працэс праходзіць у адкрытым рэжыме.

Крыніца: Яшчэ адзін суд над "рэйкавым партызанам", цяпер – у Лідзе