30.05.2023 Тэгі: суды, крымінальны пераслед У судзе Партызанскага раёна Мінска першага сакавіка асудзілі Аляксея Сахара паводле ч. 1 арт. 342 (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Наталля Дзядкова прызначыла Аляксею два гады і шэсць месяцаў абмежавання волі без накіравання ў папраўчую ўстанову адкрытага тыпу (“хатняй хіміі”).

Мінскі Дом правасуддзя. Фота tut.by

Мужчыну абвінавацілі ва ўдзеле ў акцыях пратэсту ў Мінску ў 2020 годзе і выхадзе на праезную частку. Ён цалкам прызнаў віну і раскаяўся ў здзейсненым. Аляксея апазналі па фотаздымках з пратэстаў. Таксама ў якасці пацверджання яго ўдзелу ў пратэстах былі выкарыстаныя дадзеныя тэлефонных злучэнняў, прадастаўленыя мабільным аператарам.

Аляксей Сахар мае сярэдне-спецыяльную адукацыю і працуе зваршчыкам у таварыстве з абмежаванай адказнасцю.

Крыніца: Зваршчыка з Мінска асудзілі па “народным арыткуле” на 2,5 гады “хатняй хіміі”