17.07.2023 Тэгі: суды, крымінальны пераслед, дыфамацыя У судзе Бярозаўскага раёну 27 чэрвеня асудзілі Івара Ланге паводле арт. 369 (Абраза прадстаўніка ўлады) Крымінальнага кодэкса. Суддзя Дзмітрый Кавалевіч прызначыў Івару тры месяцы арышту.

Івар Ланге. Фота са старонкі Івара "Вконтакте"

Мужчына ўтрымліваўся пад вартай з 25 красавіка. Яго абвінавацілі ў тым, што Івар 28 жніўня 2020 года ў стане алкагольнага ап’янення пакінуў абразлівы каментар у “Аднакласніках” пад фотаздымкам намесніка начальніка РАУС па ідэалагічнай працы і кадравым забеспячэнні. Мужчына цалкам прызнаў віну і раскаяўся ў здзейсненым.

Таксама з Івара спагналі грашовую кампенсацыю маральнай шкоды памерам 1000 рублёў.

Крыніца: Жыхара Бярозы асудзілі на тры месяцы арышту за абразлівы каментар у 2020 годзе