28.07.2023 Тэгі: суды, крымінальны пераслед У судзе Цэнтральнага раёна Мінска шостага ліпеня асудзілі Алену Мілаеву паводле ч. 1 арт. 342 (Арганізацыя і падрыхтоўка дзеянняў, што груба парушаюць грамадскі парадак, альбо актыўны ўдзел у іх) Крымінальнага кодэкса. Суддзя Дзмітрый Карсюк прызначыў Мілане адзін год і шэсць месяцаў абмежавання волі без накіравання ў папраўчую ўстанову адкрытага тыпу ("хатняй хіміі").

Алена Мілавева чацвёртага красавіка 2023 года напісала яўку з павіннай. Як сцвярджаецца ў судовай пастанове, яўка была напісана дабраахвотна. Жанчыну абвінавацілі ў тым, што яна 25 кастрычніка 2020 года ў Мінску ўдзельнічала ў пратэснай акцыі і выходзіла на праезную частку. Алену апазналі па фотаздымках з акцыі пратэсту, знойдзеных у інтэрнэце. Да суда жанчына знаходзілася пад залогам памерам 37000 рублёў. Алена цалкам прызнала віну і раскаялася ў здзейсненым.

Камунальнае прадпрыемства “Мінсктранс” заявіла, што з-за выхаду пратэстоўцаў на праезную частку і перакрыцця дарогі, прадпрыемству была нанесена шкода на суму 62908 рублёў.

Алена Мілаева мае вышэйшую адукацыю, гадуе непаўнагадовае дзіця. Працавала эканамісткай у адкрытым акцыянерным таварыстве.

Крыніца: Жанчыну асудзілі па "народным" артыкуле на 1,5 года "хатняй хіміі". Яна напісала яўку з павіннай