13.06.2024 Тэгі: суды, крымінальны пераслед, дыфамацыя Руслан Кручынін. Фота з сацыяльных сетак. У  Гомельскім абласным судзе 13 чэрвеня пачаўся разгляд крымінальнай справы, якая была ўзбуджана супраць жыхара абласнога цэнтра Руслана Кручыніна. Справу разглядае суддзя Алеся Осіпава.

Мужчыну абвінавачваюць па некалькі артыкулах Крымінальнага кодэкса РБ:

  • частка 1 артыкула 130 (“распальванне іншай іншай сацыяльнай варожасці альбо варажнечы”),
  • ч. 1 арт. 367 (“паклёп у дачыненні да Аляксандра Лукашэнкі”),
  • ч. 1 арт. 368 (“абраза Аляксандра Лукашэнкі”),
  • арт. 369 (“абраза прадстаўніка ўлады”).

"Гомельская вясна" піша, што 20 лістапада 2023 г. на Руслана Кручыніна было накладзена адміністрацыйнае спагнанне па ч. 2 арт. 19.11 (распаўсюджанне, выраб, захоўванне, перавозка інфармацыйнай прадукцыі, якая ўтрымлівае заклікі да экстрэмісцкай дзейнасці альбо прапагандуе такую дзейнасць) КаАП РБ. Тады яго пакаралі 15 суткамі адміністрацыйнага арышту з канфіскацыяй мабільнага тэлефона. Пастанову выносіла суддзя Шэвякова Аксана ў судзе Чыгуначнага раёна.

Пра Руслана Кручыніна таксама вядома, што ён мае вышэйшую адукацыю і працаваў на адным з прадпрыемстваў Гомеля.

Крыніца: Жыхара Гомеля судзяць за "абразы і паклёп" на Лукашэнку