01.08.2024 Тэгі: суды, крымінальны пераслед У Магілёўскім абласным судзе 31 ліпеня вынеслі прысуд былым журналістам Алесю Сабалеўскаму і Яўгену Глушкову паводле дзвюх артыкулаў Крымінальнага кодэкса: ч. 1 арт. 361-1 (стварэнне экстрэмісцкага фармавання), ч. 1 арт. 361-3 (стварэнне экстрэмісцкага фармавання або ўдзел у ім), ч. 1 арт. 361-3 (удзел ці падрыхтоўка грамадзяніна Рэспублікі Беларусь на тэрыторыі замежнай дзяржавы ў ваенных дзеяннях без упаўнаважання дзяржавы).

Алесь Сабалеўскі (злева) і Яўген Глушкоў

Як паведаміў тэлеграм-канал MAYDAY.TEAM, суддзя Дзмітрый Крэнжыеўскі прызначыў Алесю Сабалеўскаму чатыры гады калоніі, а Яўгену Глушкову тры гады калоніі ва ўмовах агульнага рэжыму. Таксама магілёўцам прызначылі штрафы. Праваабаронцам не вядомыя падрабязнасці справы.

Яўген Глушкоў – былы аператар і журналіст. У 90-х ён працаваў на магілёўскім тэлебачанні, пазней супрацоўніцаў з некалькімі гарадскімі парталамі.  

Алесь Сабалеўскі – былы магілёўскі блогер і журналіст, які супрацоўнічаў з шэрагам незалежных рэгіянальных выданняў. У 2020 годзе яго неаднаразова затрымлівалі за журналісцкую дзейнасць.

Месца ўтрымання Алеся і Яўгена: Турма № 4. 212011, г. Магілёў, вул. Крупскай, 99А

Крыніца: Палітзняволеных журналістаў з Магілёва асудзілі да калоніі