16.10.2024 Тэгі: суды, крымінальны пераслед, грамадства, палітвязні, рэпрэсіі "Наша ніва" паведамляе, што палітвязня Сяргея Юнчыца асудзілі да пяці гадоў пазбаўлення волі ў калоніі.

Сяргея асудзілі ў Мінскім абласным судзе. Яго абвінавачвалі паводле наступных артыкулаў Крымінальнага кодэкса: арт. 361-2 (фінансаванне экстрэмісцкай дзейнасці), арт. 361-4 (садзейнічанне эктрэмісцкай дзейнасці),  і арт. 361-2 (фінансаванне экстрэмісцкага фармавання, страціў сілу ў траўні 2021 года).

Справу разглядала суддзя Алена Курганава. 

Сяргей Юнчыц быў затрыманы за салідарнасць з рэпрэсаванымі.

Ён нарадзіўся ў вёсцы Падассе Жыткавіцкага раёна. З 90-х займаўся бізнэсам. Мужчына да 2023 года кіраваў сямейнай кампаніяй "Юніко-дэнтал", якая займаецца пастаўкамі стаматалагічных матэрыялаў, інструментаў і абсталявання.

Крыніца: Палітзняволенага бізнэсоўца асудзілі да пяці гадоў калоніі