21.10.2024 Тэгі: крымінальны пераслед, грамадства, палітвязні, рэпрэсіі, затрыманні, зборныя матэрыялы Асобы: Валянцін Стэфановіч, Уладзімір Лабковіч Сёння ў Беларусі адзначаецца Дзень бацькі. У гэты час у зняволенні па ўсёй краіне ўтрымліваецца амаль 30 палітвязняў-шматдзетных татаў. Пакуль яны чакаюць следства і адбываюць тэрміны паводле палітычных матываў, іх дзеці растуць без бацькоў: часта маці вымушаныя эміграваць з імі, каб унікнуць палітычнага пераследу. Сёння мы распавядаем некалькі гісторый такіх сямей.
Валянцін Стэфановіч: праваабаронца, бацька траіх дзетак
- Аліна Стэфановіч з дзецьмі на акцыі салідарнасці ў Грузіі ў 2021 годзе
Праваабаронца Валянцін Стэфановіч быў асуджаны да дзевяці гадоў пазбаўлення волі. Сябра Рады "Вясны", віцэ-прэзідэнт Міжнароднай федэрацыі за правы чалавека (FIDH), ён з’яўляецца адным з вядомых экспертаў і аналітыкаў у сферы правоў чалавека, выступае за недыскрымінацыю і супраць смяротнага пакарання. Удзельнічаў у розных міжнародных канферэнцыях і пасяджэннях, праваабарончых місіях і назіраннях за выбарамі ў краінах АБСЕ.
Аліна Стэфановіч: Мой муж — палітвязень у Беларусі, я пераехала ў Батумі з трыма дзецьмі
Перад прыездам у Грузію Аліна Стэфановіч інстыктыўна ўставала на досвітку і чакала 7:00.
Толькі ў ліпені 2023 года Валянцін Стэфановіч упершыню за два гады патэлефанаваў жонцы Аліне. Цяпер у пары трое дзетак: сын Адам, дочкі Яна і Марта. Адам з задавальненнем вучыць мовы. Аліна распавядала, што Валік — вельмі добры бацька, які шмат часу і ўвагі надзяляе выхаванню дзетак. Але цяпер сям'я разумее, што Валянціну будзе спакайней, калі ён будзе ведаць, што яны ў бяспецы, таму яны эмігравалі.
Уладзь Лабковіч, праваабаронца, бацька траіх дзетак
- Уладзь з жонкай Нінай і дачкой
Уладзімір Лабковіч — юрыст "Вясны", каардынатар кампаніі "Праваабаронцы за свабодныя выбары". Далучыўся да працы праваабарончага цэнтра ў 1998 годзе як валанцёр, пасля прэзідэнцкіх выбараў у 2001-м стаў паўнавартасным сябрам "Вясны". За час зняволення ва Уладзя значна пагоршылася здароўе. Ён скардзіцца на частыя галаўныя болі і на бяссонне.
"Ты пойдзеш у бой — а я плуг пакірую"
Ва Уладзя і ягонай жонкі Ніны трое дзяцей: старэйшая дзяўчынка Адэля, а таксама два хлопчыкі-блізнюкі — Адам і Ян. Уладзь пісаў дзецям казку ў якасці падарунка на Дзень народзінаў. Ніна Лабковіч распавядала, якія кранальныя лісты Уладзь піша дачцы — «ягонай прынцэсе».
Андрэй Любецкі, лекар, бацька чатырох дзяцей
Андрэй Любецкі — лекар, 18 гадоў адпрацаваў у дзіцячай лякарні №4 у Мінску сківічным хірургам. Быў валанцёрам каля ізалятара на Акрэсціна. Мае чатырох дзяцей. Старэйшай дачцэ 13 год, двайнятам (хлопчыку і дзяўчынцы) — па 10, малодшай дачцэ — 7. Усе займаюцца таэквандо.
Жонка Андрэя Наталля Любецкая была вымушана разам з дзецьмі з'ехаць з краіны. Яна фігуравала ў "расследаванні" беларускага дзяржканала: жанчыну абвінавацілі ў перадачы падстаўных "сакрэтных дакументаў" экс-алмазаўцу Ігару Макару. Мужчыну асудзілі да пяці гадоў пазбаўлення волі.
Зміцер Дашкевіч, актывіст, вернік, бацька чацвярых дзяцей
Зміцер Дашкевіч — актывіст, былы старшыня "Маладога фронту". Удзельнічае ў грамадска-палітычным жыцці з 2001 года, у апошнія гады шмат часу прысвячаў абароне Курапатаў. СуддзяТаццяна Пірожнікава прызнала палітвязня і ягоную жонку, якая нядаўна нарадзіла чацвёртае дзіця, вінаватымі і прызначыла Змітру паўтара года калоніі, а Насце — тры гады "хатняй хіміі". У сям'і Дашкевічаў нарадзілася дзіцё, калі Зміцер ужо тры месяцы ўтрымліваўся ў СІЗА.
"Сёння ў 6.50 раніцы ў нас нарадзіўся сын. Поўнае імя яго будзе — Данііл. Як хацеў тата. А скарочанае — Ніл. Як хацела мама. Малыш крыху паспяшаўся з’явіцца на свет і зараз ім нейкі час будуць апекавацца дактары. А я прыходжу ў сябе пасля аперацыі. Але ўсе жывы і здаровы, то слава Богу!" — напісала Наста.
- Зміцер Дашкевіч з сям'ёй. Дадзенае фота апублікавалі сілавікі пасля затрымання актывіста
Гэта чацвёртае дзіцё ў сям'і: у Дашкевічаў яшчэ дзве дачкі Мара і Магдалена, і сын Давід. Пасля Змітра судзілі яшчэ некалькі разоў, у выніку яго тэрмін склаў тры гады дзевяць месяцаў калоніі.
Мікалай Рой — інжынер, бацька чатырох дзяцей
Мікалай Рой скончыў БДУІР, інжынер-сістэматэхнік. Доўгі час працаваў у РУП "Белтэлекам" па спецыяльнасці. Мае чатырох дзяцей. Апошнім часам пражываў у Брэсце. Яго асудзілі паводле "справы Гайдукевіча" да 12 гадоў калоніі.
"Захоп дзяржаўнай улады павінен быў адбыцца на фоне дэстабілізацыі грамадскага парадку"
Крыніца: У Беларусі — Дзень бацькі: пяць гісторый пра шматдзетных бацькоў-палітвязняў