Як паведамляюць naviny.by, украінскі рэжысёр Алег Сянцоў, асуджаны расійскім судом да 20 гадоў турмы па абвінавачванні ў тэрарызме, стаў лаўрэатам прэміі Сахарава, якую ўручае Еўрапарламент.

На атрыманне прэміі Сянцова вылучала найбуйнейшая фракцыя Еўрапарламента - Еўрапейская народная партыя (ЕНП).

Алег Сянцоў больш за 140 дзён трымаў галадоўку ў расійскай калоніі, патрабуючы вызваліць украінскіх палітвязняў. 5 кастрычніка Сянцоў паведаміў, што вымушаны спыніць галадоўку - інакш яго перавядуць на прымусовае кармленне.

У розныя гады прэмію Сахарава атрымлівалі: Нэльсан Мандэла, «Рэпарцёры без межаў», а таксама расійскія праваабаронцы, у тым ліку «Мемарыял» і Людмілу Аляксееву.

У 2018 годзе лаўрэаты прэміі Сахарава Дэніс Муквеге і Надзя Мурад атрымалі і Нобелеўскую прэмію міру, піша Meduza.

Крыніца: Алег Сянцоў атрымаў прэмію Сахарава