Упершыню ў гісторыі Магілёва адкрыта на публічнай пляцоўцы 20 снежня абмяркуецца адна з самых вострых тэм апошняга часу, паведамляе mspring.online. Эксперты – ЛГБТ-актывіст,адкрыты гейАндрэй Завалей і кіраўнік партыі БНФ РыгорКастусёў.

Пара пагаварыць пра гэта адкрыта і звесці ў адной зале тых, хто на дух не пераносіць адзін аднаго. Частка людзей называе ЛГБТ «гамасекамі» і «педзерастамі», лічачы нормай гетэрасэксуальнасьць. Іншая частка людзей лічыць першых варварамі і вінаваціць у адсутнасці талерантнасці.

Прэзідэнт Беларусі Аляксандр Лукашэнка лічыць, што лепш быць дыктатарам, чым «блакітным». Міністэрства ўнутраных спраў заяўляе, што «яны не пройдуць». На сайце партыі БНФ з’яўляецца тэкст, у якім асуджаецца гей-прапаганда. Дзяржаўная прэса называецца ЛГБТ «вычварэнцамі».

З іншага боку, петыцыя за адстаўку міністра МУС пасля гамафобных выказванняў набірае больш за тысячу подпісаў, у сацсетках актыўна падтрымліваюць талерантнае стаўленне да ЛГБТ, а на высокіх чынавенскіх пасадах служаць дзяржаўным інтарэсам дзясяткі геяў і лесбіянак.

Размовы пра тое, як трэба ставіцца да геяў, лесбіянак, трансгендэраў і іншых, даўно ўжо вылезлі з кухняў і накіраваліся ў вышэйшыя слаі грамадскай атмасферы.

• Дык як жа краіне ўсё ж ставіцца да гэтага супрацьстаяння?
• Ці нясуць ЛГБТ пагрозу традыцыйным каштоўнасцям, і калі так, то якую?
• Ці існуе ў Беларусі гей-прапаганда?
• Чаму ў нашай краіне такая непрыязнасць да геяў, лесбіянак, трансгендэраў і іншых?
• Што рабіць, калі тваё дзіця прызналася табе ў гомасэксуальнасці?
• Чаму забілі гея Міхаіла Пішчэўскага і якую адказнасць за гэта нясуць беларусы?

… і яшчэ стос пытанняў, якія мы абмяркуем у гэты чацвер, 20 снежня, у тайм-кафэ «Неба» (вул. Ленінская, 7).

Сімвалічна, што дыскусія пройдзе ў горадзе, у якім выпускаецца самая гамафобная газета краіны «Вячэрні Магілёў».

Абараняць традыцыйныя каштоўнасці будзе адзін з самых вопытных палітыкаў краіны, экс-кандыдат у прэзідэнты, кіраўнік партыі Беларускі народны фронт Рыгор Кастусёў.

За ЛГБТ заступіцца каардынатар грамадскай кампаніі супраць гамафобіі «Справа Пі_», аўтар «Маніфеста підара» і адкрыты гей Андрэй Завалей.

Будзе весціся анлайн-трансляцыя.

Крыніца: Ток-шоў у Магілёве «ЛГБТ і традыцыйныя каштоўнасці: як вырашыць дылему для Беларусі»