Актывіста Змітра Дашкевіча прывезлі ў суд Цэнтральнага раёна. Пра гэта ў Фэйсбуку паведаміў фатограф Антон Матолька, піша euroradio.fm. Суд пачаўся ў 14.30. Суддзя — Іван Касцян. Судовы працэс праходзіць на беларускай мове па хадайніцтву Дашкевіча, які заявіў, што не разумее рускай мовы. 

Яго абвінавачваюць у парушэнні ч.2  арт. 23.34 КаАП Рэспублікі Беларусь (парушэнне парадку арганізацыі або правядзення масавых мерапрыемстваў). На судзе высветлілася, што яго судзяць за заклік прыйсці ў Курапаты на канцэрце 24 сакавіка. 

Нагадаем, Змітра Дашкевіча затрымалі на дазволеным мітынгу-канцэрце ў гонар Дня Волі 24 сакавіка ў Кіеўскім скверы сталіцы. Дашкевіч выступіў з рэзкай прамовай, пасля якой яго затрымалі людзі ў цывільным на вачах у дзяцей і цяжарнай жонкі.

Амаль двое сутак Дашкевіч прабыў у Цэнтры ізаляцыі правапарушальнікаў на вул. Акрэсціна.

Крыніца: У Мінску судзяць Дашкевіча за заклік прыйсці ў Курапаты