Кармленне і прагулка па горадзе прайшлі пад пільнай увагай міліцыі, але затрыманняў не было, паведамляецца на сайте Брэсцкай Вясны. 

Днём 14 ліпеня ў Брэсце прайшлі традыцыйныя кармленне галубоў і шэсце па горадзе ў знак пратэсту супраць будаўніцтва пад Брэстам акумулятарнага завода.

Удзел у маўклівай акцыі пратэсту прынялі, па розных ацэнках, ад 150 да 200 чалавек. Сярод тэм, якія абмяркоўваліся - экалагічная экспертыза праекта завода, трэцяя па ліку, якая павінна завяршыцца на наступным тыдні. Людзі ў які раз заявілі, што, незалежна ад заключэння экспертызы, яны будуць працягваць выходзіць на плошчу, пісаць звароты і несці кругласутачнае дзяжурства каля завода, з фота- і відэафіксацыяй да таго часу, пакуль прадпрыемства не будзе закрытае.

Супрацоўнікі Ленінскага РАУС г. Брэста

Пасля сустрэчы на плошчы праціўнікі завода зноў прайшлі па цэнтральных вуліцах-Пушкінскай і Савецкай да кінатэатра "Беларусь".

Крыніца: Брэст: Кармленне галубоў і прагулка, затрыманняў не было Фота