У Беларусі распачаўся збор подпісаў па вылучэнню кандыдатаў у дэпутаты Палаты прадстаўнікоў Нацыянальнага сходу Рэспублікі Беларусь. Ініцыятыўным групам даецца на гэта месяц — з 8 верасня па 7 кастрычніка. Як паведамляе Цэнтральная камісія, у Беларусі, па дадзеных на 9 верасня, зарэгістравана 211 ініцыятыўных груп грамадзян па зборы подпісаў выбаршчыкаў у падтрымку асоб, прапанаваных для вылучэння кандыдатамі ў дэпутаты. Усяго падавалася 298 заяў аб рэгістрацыі ініцыятыўных груп. У двух выпадках было адмоўлена — ўсе ў Магілёўскай вобласці. Адна заява была адклікана.

Больш за ўсё ініцыятыўных груп да гэтага часу зарэгістравана ў Мінску — 81. Валанцёрка кампаніі “Праваабаронцы за свабодныя выбары” 10 верасня ўвечары наведала з фотаздымачом пікеты па зборы подпісаў па вылучэнні ў кандыдаты ў дэпутаты Палаты прадстаўнікоў. Глядзіце, што з гэтага атрымалася.

Ініцыятыўная група Геннадзя Давыдзькі, вылучэнца ад "Белай Русі" каля метро Парк Чалюскінцаў

Пункт збор подпісаў Геннадзя Давыдзькі, вылучэнца ад "Белай Русі" на вул. Талбухіна

Збор подпісаў за Вольгу Мікалайчык, вылучэнку "Еўрапейскай Беларусі", на м. Уручча

Збор подпісаў за Алега Гайдукевіча, вылучэнца ад Ліберальнай-дэмакратычнай партыі каля "Dana Mall" на м. Усход. Нагадаем, што днямі адміністрацыя гэтага гандлёвага цэнтру замінала ў зборы подпісаў ініцыятыўнай групе актывіста "Еўрапейская Беларусь" Леаніда Кулакова

Так выглядае падпісны ліст для збору подпісаў выбаршчыкаў у падтрымку асобы, якая прапануецца для вылучэння ў дэпутаты. У дадзеным выпадку — Алега Гайдукевіча. Заўважым, што гэтыя выбарчыя дакументы прадстаўлены толькі на адзінай дзяржаўнай мове — беларускай

Збор подпісаў у падтрымку вылучэнца ў кандыдаты ў дэпутаты Валянціна Троцкага. Нагадаем, што 11 верасня яго выклікаюць на пасяджэнне акруговай выбарчай камісіі па Старавіленскай выбарчай акрузе №105. У надпісу "Лукашенко должен уйти" старшыня акруговай камісіі ўбачыў крамолу

У надпісу "Лукашенко должен уйти" старшыня акруговай выбарчай камісіі па Старавіленскай выбарчай акрузе №105 ўбачыў крамолу

Збор подпісаў за самавылучэнца Віталя Германчука па Каліноўскай выбарчай акрузе №108. Метро "Усход"

Так выглядае пасведчанне сябра ініцыятыўнай групы грамадзян па вылучэнню асобы кандыдатам у дэпутаты Палаты Прадстаўнікоў.               Гэтае — за Віталя Германчука

Ініцыятыўная група збірае подпісы ў падтрымку блогера Яўгена Караўлава. Старавіленская выбарчая акруга №105

Актывіст Мікіта Краснакуцкі з іншымі сябрамі ініцыятыйнай групы збірае подпісы за вылучэнне ў кандыдаты дэпутатам

Яўгена Караулава “Праваабаронцы за свабодныя выбары”.

Навіны кампаніі ў фэйсбуку, твітэры і на Тэлеграм-канале.

Крыніца: Як збіраюць подпісы за кандыдатаў у Мінску? Фотарэпартаж