Фантастычныя начныя пейзажы – неад’емная частка светлагорскіх рэалій. Завод беленай цэлюлозы, які, па сутнасці, так і не стаў яшчэ прадпрыемствам, паколькі мае шмат недахопаў, тым не меней працуе па начах і палохае жыхароў горада на Беразіне.

Праваабаронца і экалагічная актывістка Алена Маслюкова змясціла на сваёй старонцы ў фэйсбуку фотаздымкі, ад сузірання якіх па скуры пачынаюць поўзаць мурашы…

“Пакуль усе добрыя людзі спяць, авод беленай цэлюлозы працягвае рабіць свае чорныя справы. І І гэта тэхналогіі ХХІ стагоддзя? Жыхары Якімавай Слабады і Светлагорска перыядычна, ад усяго сэрца, шчыра і многа, атрымліваюць "порцый чыстага і свежага паветра". Ужо амаль два гады вядуцца спробы запусціць завод, амаль два гады распрацоўваюцца методыкі вымярэнняў мецілмеркаптанаў, амаль два гады бескантрольнай працы, амаль два гады атручвання насельніцтва і ўсяго жывога наўкол? І так бывае па начох... Гэта проста жах, як у фільмах жудасцяў," -- піша актывістка.

Крыніца: Начны пейзаж па-светлагорску: «Гэта проста жах, як у фільмах жудасцяў”