У Беларусі працягваюцца суды над прыхільнікамі блогера Сяргея Ціханоскага і актывістамі, якія выходзілі ў сваіх гарадах на плошчы "кармиць галубоў" у знак салідарнасці з затрыманымі актывістамі і актывістамі Брэста.
Травеньскі тыдзень затрыманняў і арыштаў. Лічбы, факты, геаграфія
Мінск
У Мінску пачаліся адміністарцыйныя працэсы над прыхільнікамі Ціханоўскага, якія былі гвалтоўна зарыманы 6 траўня каля гандлёвага цэнтру MILE на Далгінаўскім тракце. Нагадаем, тады калі 20 чалавек прыехала на стаянку каля ГЦ, каб потым разам зладзіць аўтапрабег па МКАД у падтрымку затрыманага ў той дзень блогера. Аднак ажыццявіць наўмыснае яны не паспелі, бо былі затрыманы. 19 чалавек даставілі ў РУУСы Цэнтральнага і Першамайскага раёнаў, склалі пратаколы за ўдзел у несанкцыянаваным масавым мерапрыемстве (23.34 КаАП) і за непадпарадкаванне міліцыі (арт. 23.4 КаАП) і позна ўвечары адпусцілі.
У Мінску жорстка затрымалі як мінімум 19 чалавек, якія хацелі падтрымаць Ціханоўскага
Па інфармацыі ПЦ “Вясна”, 25 базавых велічынь (675 рублёў) штрафу атрымаў Яўген Добрук. Па zuj словах, таксама асуджаны на 45 базавых кожны яшчэ два чалавека, якія былі затырманы ў той вечар. Суд праходзіў дыстанцыйна – Яўген знаходзіўся ў РУУС Першамайскага раёна, а судзіла яго суддзя Фрунзенскага раёна Ганна Буйноўская.
У 10.00 у судзе Цэнтральнага раёна мусіў адбыцца разгляд справы Аляксандра Ахрэмчука (ч. 1 арт.23.34 КаАП), таксама затрыманага каля Mile.
Акрамя таго, на 20 базавых велічынь (540 рублёў) судом Кастрычніцкага раёна была асуджана Антаніна Канавалава, якая прымала ўдзел у сустрэчах з Сяргеем Ціханоўскім, калі той прыязджаў у Мінск.
Варта адзначыць, што напярэдадні ўвечары міліцыя затрымала яе мужа. Па яго словах, перад затрыманнем за ім сачылі, пра што ён паспеў паведаміць жонцы. Нібыта на яго хацелі скласці пратакол за непадпарадкаванне міліцыі, аднак у выніку ніводнага пратакола не склалі. Усю ноч ён правёў у РУУС Цэнтральнага раёна Мінска, адпусцілі яго только ранкам. Па дарозе дамоў яго дагналі міліцыянты на службовым аўтамабіле і паведамілі, што “ніякага пацверджання аб ягоным затрыманні няма і не будзе”.
Суды над актывістамі працягнуцца і ў пятніцу. У 10.00 у РАУС Першамайскага раёна на выязным пасяджэнні суда Першамайскага раёна будуць суддзіць актывістку Вольгу Нікалайчык. У 11.00 – затрыманага каля Mile Дзмітрыя Збароўскага. У суд Заводскага раёна на 11.00 выклікаюць Яўгена Дубовіка.
Вілейка
У Вілейцы 14 траўня ў 15.30 прызначаны новы суд над актывістам Андрэем Кудзікам за тое, што выходзіў па нядзелях на цэнральную плошчу Вілейкі ў знак салідарнасці з экаактывістамі Брэста. Напярэдадні Кудзік ужо быў аштрафаваны на 50 базавых велічынь (1350 рублёў) за заклікі ў інтэрнэце і ўдзел у акцыі 26 красавіка на цэнтральнай плошчы.
Таксама на той жа час суд прызначаны суд па арт. 23.34 КаАП над Андрэем Кастэнкай.
Працяг судоў у Брэсце:
У Брэсце працягваюцца суды над актывістамі
Навіны ад Spring96.org у Telegram. Падпішыся на наш канал https://t.me/viasna96
Крыніца: У Мінску і Вілейцы новыя суды над прыхільнікамі Ціханоўскага і іншымі актывістамі