Ворша: 1000 пратэстоўцаў і звыш 20-ці затрыманых
Найвялікшая ў гісторыі гораду за апошнія дзесяцігодзьдзі акцыя пратэсту адбылася ў Воршы 12 сакавіка. У «Маршы недармаедаў» тут узялі ўдзел звыш тысячы чалавек. Больш за 20 чалавек – арыштаваныя. Затрыманьні пачаліся яшчэ да пачатку акцыі пратэсту. Сярод арыштаваных – незалежныя журналісты і палітычныя дзеячы. Суды над імі адбудуцца 13 сакавіка.
Аршанскага актывіста апыталі як «сьведку» па справе пра фальшывыя грошы
Ігара Казьмерчака, кіраўніка моладзевага грамадзкага абʼяднаньня «Зьвяз», 9 сакавіка выклікаў на гутарку сьледчы. Гутарка з прадстаўніком сьледчага камітэту Станіславам Барысёнкам адбылася праз тры дні пасьля ператрусу ў офісе Аршанскай кааліцыі дэмакратычных сілаў.
У офісе Аршанскай кааліцыі дэмакратычных сіл адбыўся ператрус
Увечары 6 сакавіка на Чырвонаармейскай, 13 сабраліся дэмакратычныя актывісты для абмеркаваньня бягучых пытаньняў. Абмяркоўваўся і "Марш недармаедаў", заплянаваны ў Воршы на 12 сакавіка. Падчас абмеркаваньня ў дом зайшлі міліцыянты, якія папрасілі "пагутарыць з адказным за памяшканьне". Размаўляў зь міліцыянтамі рэдактар сайту orsha.eu Ігар Казьмярчак. Празь некаторы час да дома пад'ехалі прадстаўнікі Сьледчага камітэту з пастановай аб правядзеньні ператрусу.
Як супрацьстаяць дзейнасьці агентаў «рускага сьвету» на тэрыторыі Віцебшчыны?
4 чэрвеня ў «Эўрапейскім клюбе» актывісты шэрагу дэмакратычных партыяў і арганізацыяў, занепакоеныя актывізацыяй прадстаўнікоў «рускага сьвету» ў Віцебскім рэгіёне, разважалі над маштабамі іхнага ўплыву на грамадзтва і абмяркоўвалі магчымыя шляхі супрацьдзеяньня гэтай пагрозе.
У Воршы прайшоў круглы стол, прысьвечаны «Рускаму сьвету»
Нягледзячы на публічнае запрашэньне, ніводзін прыхільнік канцэпцыі «Рускага сьвету» на мерапрыемства, каб выказаць сваю пазыцыю, не прыйшоў.
Віцебская абласная арганізацыя БНФ рыхтуецца да выбараў
У нядзелю, 28 лютага, у Віцебску адбылася справаздачна-выбарная канфэрэнцыя абласной арганізацыі партыі БНФ. Партыйцы выбралі новы склад абласной рады. Яе новым старшынём стаў Кастусь Смолікаў, кандыдатуру якога сябры рады падтрымалі адзінагалосна.
Рэдактар незалежнага аршанскага сайту падзякаваў тролям за іх актыўнасьць (відэа)
«Наш сайт – агульнадэмакратычны. Гэта ня значыць, што ён апазыцыйны. Калі ўлада зробіць нешта добрае – мы пахвалім уладу. Калі апазыцыя зробіць нешта кепскае, якія б гэта дэмакраты ні былі, – мы можам іх пакрытыкаваць. Мы спрабуем падаваць матэрыялы без перадузятасьці. Калі мы станем адстойваць пазыцыю толькі адной нейкай партыі, то нас і будуць чытаць толькі сябры гэтай партыі. Мы ж хочам, каб наш сайт чытаў і выказваўся на яго старонках увесь горад», – ахарактарызаваў палітыку сайту orsha.eu яго рэдактар.
Аршанская друкарня адмаўляецца друкаваць перадвыбарчыя ўлёткі апазыцыйных кандыдатаў
Кандыдат у дэпутаты райсавету і аблсавету Ігар Казьмерчак перадаў для друку макет ўласнай перадвыбарнай ўлёткі. Нічога не прадвяшчала праблем. Але празь некаторы час кандыдату ператэлефанавалі з аршанскай друкарні і паведамілі, што ня могуць зрабіць наклад улётак, пакуль з райвыканкаму не дашлюць ліст, якім дазволяць друк.