У палітвязня Васіля Бераснева істотна пагоршылася здароўе
Аршанскі актывіст незалежнага прафсаюзу РЭП находзіцца ў менскім СІЗА-1, яго затрымалі 19 красавіка 2022 г. па «справе прафсаюзаў». Пасля За паўгода за кратамі ў яго абвастрыліся праблемы з ныркамі ( адну нырку яму выдалілі ў 2018 г., другая цяпер баліць, але належнай дапамогі Васіль Бераснеў не атрымлівае – на шматлікія просьбы наконт медычнага абследавання яму прыходзяць толькі адмовы. Адзінае, што яму ставяць кропельніцы для абязбольвання, але гэта не з’яўляецца паўнавартасным лячэннем.
Мастака з Новалукомлю асудзілі да 2,5 гадоў «хіміі»
26 жніўня Сцяпан Хадатовіч прызнаны вінаватым паводле артыкула 341 Крымінальнага кодэксу ( апаганьванне збудаванняў і псаванне маёмасці). Суддзя Чашніцкага раённага суду Таццяна Заруба прызнала яго вінаватым і асудзіла на два гады абмежавання волі з накіраваннем у папраўчую ўстанову адкрытага тыпу. Цяпер прысуд уступіў у законную сілу.
Яне Пінчук следствам прад'яўлена абвінавачанне і прызначана шэраг экспертыз
Прайшло 10 дзён, як ураджэнку Віцебшчыны Яну Пінчук расейскія ўлады экстрадавалі ў Беларусь. Цяпер маладая жанчына знаходзіцца ў Віцебскім абласным следчым ізалятары №2. Да яе прыменена мера стрымання ў выглядзе ўзяцця пад варту на 2 месяцы. Па неправераных дадзеных, Яна ўдзельнічае ва ўсіх у следчых дзеяннях, прызначаны некалькі экспертыз. Расейскія праваабарончыя арганізацыі прызналі Пінчук палітвязнем, а беларускія пакуль яе такой не лічаць.
Статыстыка сведчыць аб тым, што судовая сістэма Віцебскай вобласці, працуе ў карнай парадыгме
У першым паўгоддзі 2022 года раённымі судамі Віцебскай вобласці разгледжана 1850 крымінальных спраў з вынясеннем прыгавору. Па выніках судовых разбораў асуджана 2040 асоб. Апраўдальныя прыгаворы вынесены ў дачыненні да 2 асоб. Асноўнымі нагодамі для апраўдання, як і ў папярэднія гады, з'явілася адсутнасць у дзеяннях складу злачынства альбо недаказанасць удзелу абвінавачанага ў ягоным здзяйсненні. Выключная мера пакарання судамі не прымянялася.
4,5 гадоў калоніі прысудзілі Аляксею Рэзнікаву за пасты ў інтэрнэце
Віцябляніна прызналі вінаватым паводле арт. 130 (Распальванне расавай, нацыянальнай, рэлігійнай або іншай сацыяльнай варожасці або варожасці), арт. 368 (Абраза Прэзідэнта Рэспублікі Беларусь), арт. 369 (Абраза прадстаўніка ўлады), арт. 370 (Здзек з дзяржаўных сімвалаў). Вырак Андрэю Рэзнікаву вынес суддзя Віцебскага абласнога суду Яўген Буруноў. Прыцэс працягваўся некалькі тыдняў і праходзіў у закрытым рэжыме.
Да 15-ці гадоў зняволення за сяброўсктва з калегам пагражае Ігару Мінцу
44 –гадовы Ігар Мінц працаваў юрысконсультам на ААТ “Нафтан”. Ен быў затрыманы ў верасні мінулага году па справе “Рабочага руху”, мужчыну прыд’яўлена абвінавачанне ў здрадзе дзяржаве (артыкул 356 Крымінальнага Кодэксу) і стварэнні экстрэмісцкага фарміравання і ўдзеле ў ім (ч.3 арт. 361-1 Крымінальнага Кодэксу). У чым канкрэтна ягоная віна, не могуць дакладна сфармуляваць нават прапагандысты з беларускага тэлебачання: з фрагментаў відэа, знятых падчас допыту Мінца, вынікае хіба тое, што ён блізка сябраваў са сваім калегам, Аляксандрам Капшулем, таксама абвінавачаным па справе “Рабочага руху”.
Жыхара Віцебска Аляксея Рэзнікава судзяць за рэпосты ў сацыяльных сетках
Суд адбываецца Віцебскім абласным судзе ў закрытым рэжыме. 18 жніўня пракурор запытаў пакаранне для мужчыны ў выглядзе 10 гадоў пазбаўлення волі ў папраўчай калоніі ва ўмовах узмоцненага рэжыму ўтрымання. Пра гэта паведамляе сайт dissidentby.
Ананімна і абразліва. Як віцебская абласная газета стварае негатыўны вобраз асуджаных па палітычных артыкулах
На сайце газеты «Витебские вести» выйшаў артыкул «Наказан житель Витебской области, который размещал в интернете оскорбительные комментарии в отношении руководства нашей страны». Ужо ў загалоўку прасочваецца штучнае супрацьпастаўленне нейкага адзінкавага «жителя» і грамадзянаў «нашей страны». А ў наступным тэксце аўтар Яўген Карпас ва ўсю карыстаецца ўласнай беспакаранасцю, не шкадуючы ні адмоўных эпітэтаў, ні прамых абразаў у бок асуджанага.
Пяць гадоў пазбаўлення волі прысудзілі жыхару аграгарадка Друя Браслаўскага раёна
Такое пакаранне прызначыла суддзя Віцебскі абласны суд Галіна Бондал 10 жніўня 38-гадоваму Роберту Кузняцову. Яго абвінавацілі паводле чатырох артыкулаў Крымінальнага кодэкса: ч. 1 арт. 368 (абраза прэзідэнта Рэспублікі Беларусь), ч. 1 арт. 130 (распальванне расавай, нацыянальнай, рэлігійнай альбо іншай сацыяльнай варожасці або варажнечы), ч. 3 арт. 361 (заклікі да мер абмежавальнага характару (санкцый), іншым дзеянням, накіраваным на прычыненне шкоды нацыянальнай бяспецы Рэспублікі Беларусь), арт. 370 (здзек з дзяржаўных сімвалаў).
4 гады калоніі прысудзілі палітвязню Мікіту Паляонку
28-гадовага жыхара Віцебску абвінавацілі адразу па чатырох артыкулах Крымінальнага кодэкса: арт. 368 (абраза Лукашэнкі), арт. 369 (прадстаўнікоў улады), ч. 3 арт. 361-1 (стварэнне экстрэмісцкага фарміравання альбо ўдзел у іх), ч. 1 арт. 130 (распальванне іншай сацыяльнай варожасці). Судовы працэс над ім праходзіў у Віцебскім абласным судзе ў закрытым рэжыме. Аднак вядома, што напярэдадні прадстаўнік пракуратуры прасіў пакараць Мікіту Паляонка чатырма з паловай гадамі пазбаўлення волі.