Жыхары Полацку просяць улады закрыць адкрытыя каналізацыйныя калодзежы
Полацкія гарадскія актывісты на інфармацыйным рэсурсе "Зручны горад" стварылі петыцыю №5700, у якой звяртаюцца да кіраўніцтва мясцовага райвыканкама з прапановай зрабіць бяспечнай тэрыторыю гарадской бальніцы, на якой знаходзяцца адкрытыя каналізацыйныя калодзежы.
З’явілася петыцыя за наданне вуліцы ў Віцебску імя Генадзя Бураўкіна
Стваральнікі звароту, адрасаванага ў гаравыканкам, нагадваюць пра значную ролю Бураўкіна ў жыцці краіны: ён быў выбітным паэтам, а таксама дзяржаюным дзеячам. З 1980 па 1990 гады быў дэпутатам Вярхоўнага Савета БССР 10 i 11 склiканняў. З 1990 па 1994 гады займаў пасаду Пастаяннага прадстаўнiка Беларусi пры Арганiзацыi Аб’яднаных Нацый – першага ў гiсторыi незалежнай Беларусi. Таксама Бураўкін у 1994-1995 гадах быў нaмecнiкaм мiнicтpa кyльтypы і друку Беларусі. У петыцыі выказваецца просьба або перайменаваць адну з вуліц абласнога цэнтра, або назваць імем Генадзя Бураўкіна новую вуліцу
Віцебскія гарадскія ўлады не спраўляюцца з рамонтам дарог
Жыхары Віцебску на інфармацыйным рэсурсе "Зручны горад" стварылі петыцыю №5640, у якой заклікаюць чыноўнікаў Віцебскага гарвыканкама і гарадскую пракуратуру прыняць меры, каб хутка і якасна адрамантаваць дарогі паміж вул. Чарняхоўскага і вул. Чкалава. Зварот ужо знайшоў падтрымку ў 21 жыхара паўночнай сталіцы. Збор подпісаў па петыцыі працягнецца да 4 ліпеня.
Жыхары Чашнікаў звярнуліся да мясцовых уладаў з патрабаваннем рамонту дарогі і аварыйнага маста
У Чашніцкі райвыканкам праз рэсурс "Зручны горад" з петыцыяй звярнуліся 34 жыхары рэгіёна з просьбай добраўпарадкавання небяспечнага ўчастка дарогі, які злучае Чашнікі з мікрараёнам Папяровай фабрыкі. На думку грамадзянаў чыноўнікі павінны знайсці грошы, каб дарожныя службы ліквідавалі дэфекты дарожнага пакрыцця і тым самым гарантаваць бяспеку руху транспарту і пешаходаў.
У Віцебскай вобласці стан дарог з тэхнічнай праблемы перарос у палітычны выклік мясцовым уладам
З якім поспехам абласныя ўлады справіцца з гэтым выклікам, адназначна адаб'ецца на выніках выбараў у мясцовыя Саветы дэпутатаў, якія адбудуцца на пачатку 2024 года.
На Віцебшчыне патрабуюць зрабіць мемарыяльную дошку Караткевічу па-беларуску
На сайце petitions.by з’явілася петыцыя з патрабаваннем перарабіць мемарыяльную дошку, адчыненую 25 лістапада на аршанскай СШ №3. Адкрыццё дошкі было прымеркавана да сёлетніх угодкаў аршанскага ўраджэнца, вядомага літаратара Уладзіміра Караткевіча. На дошцы ёсць цытата з ягонага верша, аднак астатні тэкст – пра тое, што школа №3 носіць імя славутага земляка – напісаны па-расейску. Шмат хто палічыў такое стаўленне да дзеяча беларускай культуры абразлівым, і ў выніку нарадзілася петыцыя.
Эколагі: існуе небяспека забруджвання крыніц пітной вады рэчывамі з жывёламагільніка
Віцебскія экаактывісты заклікаюць улады прадухіліць пранікненне прадуктаў жывёламагільніка ў пітныя воды ў в. Доўжа Віцебскага раёна, якое можа ўзнікнуць пры будаўніцтве завода па вытворчасці вакцын. Праз збор подпісаў яны патрабуюць правесці паўнавартасную экалагічную экспертызу забруджвання вод пры вытворчасці землеўпарадкавальных прац. Зварот да ўладаў падпісала ўжо больш за 50 чалавек. Далучыцца да петыцыі можна тут.
Жыхары аднаго з раёнаў Полацка патрабуюць ад мясцовых улад належнага ўтрымання гарадскіх тэрыторый
На рэсурсе «Зручны горад» створана петыцыя № 5461 змест якой адрасаваны Полацкаму райвыканкаму і мясцоваму прадпрыемству ЖКГ. У петыцыі змяшчаецца заклік добраўпарадкаваць тэрыторыю мікрараёна Аэрапорт-3 у Полацку. У цяперашні час зварот падпісала 27 чалавек, якія дамагаюцца абароны сваіх правоў на бяспечнае і добраўпарадкаванае асяроддзе пасялення. Падпісаць зварот можна тут.
У Віцебску склалі петыцыю супраць небяспечных для жыцця і здароўя дзіцячых пляцовак
Аўтары петыцыі спасылаюцца на публікацыі, у тым ліку і ў дзяржаўных СМІ, дзе вялося пра нездавальняючы стан дзіцячых пляцовак у віцебскіх дварах. І падкрэсліваюць, што пасля фіксавання фактаў не выйшла ніводнага артыкула пра тое, што на згаданых аб’ектах зроблены рамонт, і жыццю ды здароўю дзяцей нічога не пагражае. «Горкі», арэлі, пясочніцы ды іншы інвентар у мікрараёне Поўдзень – 4, а таксама ў раёне вуліц Фрунзэ, Берасценя і Лазо па-ранейшаму пагражаюць дзіцячым траўматызмам, прычым падобную сітуацыі можна ўбачыць і ў іншых раёнах Віцебску.
Ініцыятыўныя грамадзяне збіраюць подпісы за захаванне блакітных елак у цэнтры Бешанковіч
03 чэрвеня ў сетцы інтэрнэт з'явілася петыцыя № 5343, аўтары якой прапануюць грамадзянам звярнуцца да мясцовых уладаў з просьбай не высякаць блакітныя елкі ў цэнтры Бешанковіч. За два дні з пачатку з'яўлення ініцыятывы пад зваротам падпісалася больш за 80 чалавек. Тэкст петыцыі можна знайсці, прачытаць і падпісаць тут.