Генпракуратура ня стала разглядаць па сутнасьці скаргу Свабоднага прафсаюзу
Генэральная пракуратура не пажадала бясплатна разглядаць скаргу Свабоднага прафсаюзу Беларускага (СПБ) на парушэньне правоў і свабод рабочых полацкага заводу «Шкловалакно». Начальнік аддзелу па наглядзе за выкананьнем правоў і свабод грамадзян Марына Папова прапанавала прафсаюзу заплаціць пошліну ў 2 базавыя велічыні - тады генэральная пракуратура, мабыць, зробіць ласку разгледзець скаргу па сутнасьці.
Полацкі раён: Дэпутата прыцягнулі да адказнасьці
Дэпутата Мікалая Качаноўскага прыцягнулі да дысцыплінарнай і адміністрацыйнай адказнасьці за несвоечасовы адказ на зварот выбаршчыка. Качаноўскі зьяўляецца былым дырэктарам ААТ «Полацак-Шкловалакно». Пасьля звальненьня ён працягвае выконваць абавязкі дэпутата двух саветаў: Полацкага раённага і Віцебскага абласнога.
Старшыня пяршоўкі Свабоднага прафсаюзу ААТ «Полацак-Шкловалакно» скардзіцца ў Віцебскі аблсуд (відэа)
Старшыня першаснай арганізацыі СПБ «Шкловалакна» Віктар Стукаў падаў у абласны суд скаргу на вызначэньне Полацкага гарадзкога суду, які 18 жніўня адмовіўся разглядаць справу аб дыскрымінацыі па прыкмеце членства ў адным або іншым прафсаюзе.
Віцебскі гарвыканкам правёў сустрэчу з зацікаўленымі бакамі без зацікаўленых бакоў
Прыхільнікі стварэньня партыі БХД напісалі скаргу ў Міністэрства аховы здароўя наконт “фармальнага і недабрасумленнага выкананьня віцебскімі ўладамі даручэньня Міністэрства аб правядзеньні сустрэчы з зацікаўленымі бакамі наконт пытаньня будаўніцтва паліклінічнага комплексу ў мікрараёне Білева, якая мелася адбыцца 30.07.2014г.”.
Віцябчук скардзіцца на старшыню райсуду
Жыхар Віцебску Павал Тулубенскі зьвярнуўся з заявай у Вярхоўны Суд Рэспублікі Беларусі. У сваёй заяве ён просіць кіраўніцтва вышэйшай судовай інстанцыі краіны прыцягнуць да адказнасьці і адхіліць ад займаемай пасады старшыню суду Кастрычніцкага раёну Віцебску Яўгена Бурунова. На думку заяўніка, судзьдзя Буруноў вынес у дачыненьні да яго неправасуднае рашэньне па адміністрацыйнай справе.
Наймальнік напісаў скаргу сам на сябе?
У кнізе заўваг і прапаноў ААТ «Полацак-Шкловалакно» зьявілася скарга на парушэньне адміністрацыяй прадпрыемства ўказу прэзыдэнта. Скарга напісаная 23.07.2014 г. ад імя старшыні Свабоднага прафсаюзу Віктара Стукава. Пры гэтым, як сьцьвярджае апошні, 23 ліпеня кнігу яму на рукі ня выдалі, таму ніякага запісу ў ёй ён у той дзень не рабіў.
Вярхоўны Суд адмаўляецца разглядаць наглядныя скаргі (відэа)
Жыхар Віцебску Аляксандар Холад зьвярнуўся да старшыні Вярхоўнага суду Валянціна Сукалы са скаргай. У сваім звароце Холад паведамляе галоўнаму судзьдзю краіны пра адвольнае пакіданьне без разгляду намесьнікам старшыні ВС Андрэем Забарам і першым намесьнікам старшыні ВС Аляксандрам Федарцовым ягоных наглядных скаргаў на пастанову суду Чыгуначнага раёну Віцебску і просіць аднавіць яго канстытуцыйнае права на доступ да суду.
Віцебскі абласны суд ня стаў публічна разглядаць справу Георгія Станкевіча
Настаўнік зь Бешанковічаў, паэт і бард Георгі Станкевіч падаў касацыйную скаргу на рашэньне раённага суду, які 3 красавіка аштрафаваў яго на 50 базавых велічынь за выраб і распаўсюд газэты “Крывінка”, якая выдаецца на ўласныя сродкі заснавальніка. Аднак сам Станкевіч ня змог прыехаць на разгляд скаргі. Судзьдзя Сьвятлана Іванова праігнаравала тую акалічнасьць, што ў судовай залі сабраліся неабыякавая да выніку людзі, віцебскія праваабаронцы, і ня стала разглядаць справу публічна.
Крэўныя расстралянага Ўладзіслава Кавалёва дамагаюцца раскрыцьця інфармацыі пра месца яго пахаваньня
Вярхоўны суд лічыць скаргу родных Уладзіслава Кавалёва адносна месца пахаваньня расстралянага непадведамаснай агульным судам. Такое рашэньне ўтрымліваецца ў адказе на скаргу Любові Кавалёвай і Тацьцяны Казяр за подпісам намесьніка старшыні Вярхоўнага суду Андрэя Забары. У рашэньні паведамляецца пра тое, што рашэньні суду Кастрычніцкага раёну Менску і Калегіі па грамадзянскіх справах Менскага гарадзкога суду аб непадведамаснасьці разгляду скаргі агульным судам застаюцца ў моцы.
Пракуратура Віцебскай вобласьці выявіла шматлікія парушэньні ў працы ЖКГ
Больш за 10 000 зваротаў у год паступае ў дзяржаўныя інстанцыі са скаргамі на працу ЖКГ. Найбольшая колькасьць зваротаў рэгіструецца ў Віцебску, Полацку, Наваполацку, Воршы, канстатавалі на паседжаньні калегіі пракуратуры Віцебскай вобласьці.