Былы выкладчык Полацкага дзяржаўнага ўніверсітэту, а пасля супрацоўнік Музею беларускага кнігадрукавання Ігар Бортнік быў затрыманы 29 сакавіка ў ліку больш як дзясятка супрацоўнікаў Полацкага гісторыка-культурнага музею-запаведніка. Дома ў Ігара Бортніка прайшоў ператрус, міліцыянты забралі аргтэхніку.

Суду былі прадстаўлены медычныя дакументы, што навуковец мае сур'ёзныя праблемы са здароўем: Ён перанёс аперацыю па лячэнні міжпазванковай грыжы. Яна была не вельмі ўдалай, і спадар Бортнік не можа працяглы час сядзець альбо стаяць. Суд не прыняў гэта да ўвагі, хаця санкцыі адміністрацыйных артыкулаў дазваляюць абмежавацца штрафам і не змяшчаць не зусім здаровага чалавека ў ІЧУ, дзе ўмовы ўтрымання «палітычных» надзвычай суровыя і часам набліжаныя да незаконных катаванняў.

Міхась Хмара