Але, як заўважае Дзяржкантроль Віцебшчыны, на тэрыторыі вобласці не прынятыя вычарпальныя меры па скарачэнні 41 аб'екта, уключанага ў рэгіянальныя мерапрыемствы на 2023 год, а перанесены тэрміны іх рэалізацыі на 2024 год.

У прыватнасці, у  Віцебску - па 11 даўгабудах, Сенненскім раёне - па 6, у Віцебскім, Докшыцкім і Полацкім - па 3, Пастаўскім - па 2, Бешанковіцкім, Браслаўскім, Верхнядзвінскім, Мёрскім, Глыбоцкім, Гарадоцкім, Лепельскім, Аршанскім, Талачынскім, Чашніцкім, Шаркаўшчынскім і Шумілінскім раёнах - па 1.

Пры гэтым, на думку дзяржкантралёраў, асобныя аб'екты можна было выключыць з ліку даўгабудаў раней.

Напрыклад, у Полацкім раёне аб'ект «Будаўніцтва двух футбольных палёў паблізу пасёлка Міжрэчча» не будуецца больш за 10 гадоў (з 2012 года). На яго тэрыторыі праведзена толькі высечка кустоўя і планіроўка тэрыторыі. Неабходна больш за 9 мільёнаў рублёў на завяршэнне будаўніцтва, крыніцы фінансавання па якім адсутнічаюць. У сувязі з працяглым неправядзеннем на аб'екце доглядных работ ён зноў зарос пустазельнай і драўняна-хмызняковай расліннасцю.

У Віцебску больш за 15 гадоў лічыцца даўгабудам ГП «Гардармост» - «Звалка снегу ў раёне ГСК "Садружнасць" з пад'язной дарогай па Новааршанскай шашы" з мерапрыемствам "знос". Для рэалізацыі мерапрыемства трэба толькі прыняць рашэнне аб спісанні выдаткаў. Замест гэтага за 2023 год неабходна будзе заплаціць зямельны падатак каля 40 тысяч рублёў.

У сувязі з гэтым Камітэтам вобласці прапанавана адпаведным райгарвыканкамам прыняць меры па актывізацыі гэтай работы.

Як адзначае Дзяржкантроль па Віцебскай вобласці, кантрольныя мерапрыемствы па гэтым пытанні будуць працягнутыя.

Канстанцін Лось