«Ружовае ніхто» - так аўтарка называе пераможцу конкурса , прадстаўніка  Швейцарыі Nemo ( Nemo Mettler). Журналістка здзекліва падкрэслівае, што выканаўца адносіць сябе да ЛГБТ-супольнасці і не бянтэжыцца прызнаваць гэта адкрыта: «Это самое некто пело об опыте принятия собственной идентичности и небинарности».

Насамрэч, у лістападзе 2023 г. спявак-рэпер абвясціў сябе небінарным чалавекам і папрасіў выкарыстоўваць у адносінах да сябе займеннік «яны». Гэта інфармацыя размешчана і на старонцы   Nemo ў  Instagram.  У інтэрнэце можна даведацца пра захапленні  Nemo – гэта ігра на барабане, пяніна і скрыпцы, пра тое , што выканаўца быў пяць разоў уганараваны прэстыжнай музычнай прэміяй Swiss Music Awards , у тым ліку і за ўласныя  пра пошукі гендэрнай ідэнтычнасці і свайго месца ў свеце. Пра гэта ж і песня «Code», раскрытыкаваная журналісткай «Витебских вестей»: маўляў, у ёй  ўтрымліваюцца актыўныя заклікі  да таго, каб людзі самі вызначалі сваю гендэрную прыналежнасць».

«Я спадзяюся, што гэты конкурс будзе і далей жыць у адпаведнасці са сваімі прынцыпамі і працягваць выступаць за мір і годнасць кожнага чалавека», - такія словы прагучалі ад пераможцы «Еўрабачання».  Аднак Алена Сыс на іх увагі не звярнула. Затое сканцэнтравалася на асуджэнні нетрывіяльнага твора і выканаўцы, а заадно і  «еўрапейскіх краін, дзе даўно зламалі свае «коды». У прыклад яна прыводзіць тую ж Швейцарыю, дзе з 2022г. дазволены аднаполыя шлюбы.

А напрыканцы артыкула журналістка чакана супрацьпастаўляе Еўропе Беларусь, «код» якой «надзейна абаронены», бо ў апошняй рэдакцыі Канстытуцыі «замацавана азначэнне шлюбу як саюза мужчыны і жанчыны».

Пётр Александровіч