І сапраўды, дарожнае пакрыццё ў Віцебску на 4-й Сацыялістычнай вуліцы ўжо працяглы час знаходзіцца ў непрыдатным эксплуатацыйным стане, які не адпавядае патрабаванням тэхнічных нарматыўных прававых актаў.

Так, дарожнае пакрыццё на гэтай вуліцы мае наступныя дэфекты: уся дарога пакрыта выбоінамі, глыбокімі ямамі і разломамі, як следства гэтага на працягу ўсёй вуліцы можна назіраць вялікую колькасць лужын. Таму рухацца на аўтамабілі па такой дарозе магчыма толькі на самай мінімальнай хуткасці, а на некаторых участках і зусім небяспечна.
Жывучыя на вуліцы людзі  неаднаразова пісьмова звярталіся  да дарожнікаў Віцебску, але гэтыя заяўкі за паўгады так і не атрымалі ўвагі камунальных арганізацый і знаходзяцца ў стане «пратэрмінаваныя».
Таму замардаваныя дрэнным станам дарогі жыхары 4-й Сацыялістычнай вуліцы звярнуліся да гарадскіх уладаў.

У скарзе гараджане нагадалі чыноўнікам пра тое, што згодна з арт. 43 і арт. 41 Закона Рэспублікі Беларусь «Аб мясцовым  кіраванні і самакіраванні ў Рэспубліцы Беларусь», выканкамы ў межах сваёй кампетэнцыі ў парадку, устаноўленым заканадаўствам, забяспечваюць бяспеку дарожнага руху, а таксама фарміруюць і уносяць для зацвярджэння ў мясцовыя Саветы дэпутатаў рэгіянальныя комплексы мерапрыемстваў, якія забяспечваюць рэалізацыю дзяржаўных праграм, якія прадугледжваюць фінансаванне за кошт сродкаў мясцовых бюджэтаў па пытаннях добраўпарадкавання адпаведнай тэрыторыі і дарожнага будаўніцтва.
І на падставе дзеячага заканадаўства запатрабавалі ад уладаў каб яны  правялі праверку фактаў нездавальняючага стану дарожнага пакрыцця дарогі на 4-й Сацыялістычнай вуліцы на падставе яе вынікаў прынялі меры па неадкладным капітальным рамонце дарожнага пакрыцця.

Лера Рабавец