У лік асабліва «небяспечных» рэсурсаў трапілі Telegram-каналы «Беларусь за МКАДом», «Зеркало Новости», «МотолькоПомоги», «Чай с малиновым вареньем», «Рудабельская паказука» ( арфаграфія аўтара захаваная). А таксама два мясцовыя паблікі - « Витебск, я гуляю! Новости Витебска» і «Live Витебск, я гуляю».

Звярнуўшы ўвагу на зусім нечаканую славу, Telegram-канал « Витебск, я гуляю! Новости Витебска» заўважыў, што сенненскай «раёнцы» таксама пагражае пакаранне паводле ч. 2 арт.19.11  за распаўсюд «экстрэмісцкай інфармацыйнай прадукцыі». На інтэрнэт-сайце выдання можна ўбачыць фотаздымак з лагатыпам «Радыё Свабода», якое прызнана ў Беларусі «экстрэмісцкім фарміраваннем», а змест сайта і афіляваных з ім сацсетак - «экстрэмісцкай інфармацыйнай прадукцыяй».

Павел Буянаў