Мерапрыемства было арганізавана “для выхаванцаў старэйшых груп”, як паведамляе газета “Віцьбічы”. Гэта значыць, для 5-6-гадовых дзяцей. Абсалютна нармальным такі падыход падаўся нават пракуратуры, бо ў  правядзенні квэсцу «Тяжело в учении, легко в бою» бралі ўдзел  старшы пракурор аддзела пракуратуры Віцебскай вобласці па наглядзе  за выкананнем заканадаўства об непоўнагадовых і моладзі Сяргей Кір’янаў і старшы памочнік пракурора Віцебскага раёна Наталля Барысенка.

Таксама ў правядзенні мерапрыемства ўзялі ўдзел вучні класа педагагічнай накіраванасці  мясцовай школы. Гэта значыць, падлеткаў, якіх рыхтуюць да паступлення на педагагічныя спецыяльнасці, ужо навучаюць таму, што вайсковая падрыхтоўка павінна пачынацца яшчэ ў дзіцячым садку.

“Вайсковы кампенент” даволі часта сустракаецца ў выхаваўчых планах дзіцячых садкоў на Віцебшчыне. Асабліва часта – у мерапрыемствах да 9 мая або 23 лютага, калі дашкольнікаў апранаюць у вайсковую форму і праводзіць з імі гутаркі пра “гераізм” і “патрыятызм” .

Дзяніс Іваноўскі