Роберт Кузняцоў асуджаны да пяці гадоў пазбаўлення волі з адбываннем у папраўчай калоніі ўзмоцненага рэжыму. Пакуль ён знаходзіцца ў віцебскім СІЗА-2.

Паводле абвінавачання, 38-гадовы жыхар Друі на працягу некалькіх месяцаў размяшчаў у сацыяльных сетках абразлівыя каментары ў дачыненні да кіраўніцтва нашай краіны. Заклікаў да захопу дзяржаўнай улады, у тым ліку з ужываннем агнястрэльнай зброі, і да змены канстытуцыйнага ладу Беларусі. Таксама ён публікаваў блюзнерскія фотавыявы дзяржаўнага сцяга нашай рэспублікі з адпаведнымі каментарамі.

Гісторыю Роберта Кузняцова, рэгіянальнага актывіста, прыхільніка Мікалая Статкевіча і намесніка прадстаўніка па Віцебскай вобласці ў Радзе Беларускага Нацыянальнага Кангрэса, днямі апублікавала на сваім сайце абласной газета «Витебские вести». У аповедзе падкрэсліваецца, што імя героя зменена, але ў дачыненні да яго выкарыстоўваюцца самыя брудныя эпітэты з відавочнай мэтай стварыць адмоўны імідж чалавека з апазіцыйнымі палітычнымі поглядамі.

Феліцыян Красоўскі