Чацвер, 29 Верасень 2022

Схуднеў на 28 кг. З наваполацкай калоніі выйшаў палітвязень Канстанцін Дудзікаў

Ацаніць гэты матэрыял
(1 голас)
Схуднеў на 28 кг. З наваполацкай калоніі выйшаў палітвязень Канстанцін Дудзікаў

Індывідуальны прадпрымальнік з Быхава Канстанцін Дудзікаў быў затрыманы 16 верасня 2021г. і асуджаны паводле артыкулу аб абразе прадстаўніка ўлады (арт. 369 Крымінальнага кодэксу). Спачатку яго асудзілі на 1 год і 6 месяцаў абмежавання волі з накіраваннем у папраўчую ўстанову адкрытага тыпу («хімія»), але 18 красавіка 2022 адбыўся яшчэ адзін суд, у выніку якога Канстанціну змянілі рэжым на пазбаўленне волі ў калоніі ўзмоцненага рэжыму. Нейкі час ён знаходзіўся ў СІЗА-1, а з 15 траўня 2022 г. быў пераведзены ў наваполацкую ПК № 1.

24 сакавіка Канстанцін Дудзікаў выйшаў на волю. За час знаходжання за кратамі ён схуднеў на 26 кг, і ў яго з’явіліся сур’ёзныя праблемы з зубамі. Умовы ўтрымання ў ПК №1, паводле палітзняволеных, даволі жорсткія. На цяперашні момант у гэтай калоніі ўтрымліваюцца 63 палітвязні, у тым ліку Віктар Бабарыка, банкір і грамадскі дзеяч, прэтэндэнт у кандыдаты на пасаду прэзідэнта, асуджаны да 14 гадоў пазбаўлення волі ў калоніі ва ўмовах узмоцненага рэжыму, блогер Ігар Лосік, асуджаны да 15 гадоў пазбаўлення волі ў калоніі ва ўмовах узмоцненага рэжыму, журналіст «Радыё Свабода» Андрэй Кузнечык, асуджаны да 6 гадоў пазбаўлення волі ў калоніі ва ўмовах узмоцненага рэжыму.

Міхась Хмара

Апублікавана ў Пэнітэнцыярная сыстэма
Тэгі:
Яшчэ ў гэтым разьдзеле: « Палітвязень Аляксандр Целешман пакараны бестэрміновым утрыманнем у ШІЗА Турэмная роба Наталлі Хершэ стала экспанатам на экспазіцыі ў Лондане »
Вярнуцца ў пачатак