Галіна Жаланава падкрэсьліла, што дзецям-інвалідам не хапае зносін, яны абмежаваныя ў перасоўваньні. Часта іх асяродзьдзе складаюць некалькі чалавек зт ліку сваякоў і выхавальнікаў. “Нашы валянтэры ня проста раскажуць дзецям казку. Як і належыць бабулям, якія любяць, яны прынясуць дзецям падарункі: вязаныя шкарпэткі, рукавіцы і кніжкі з маляўнічымі ілюстрацыямі”, - распавяла яна.

Ініцыятыва правядзеньня сустрэч зь дзецьмі-інвалідамі належыць удзельнікам ініцыятыўных групаў. У рэгіёне пасьпяхова рэалізуюцца міні-праекты з актыўным удзелам БТЧК. Гэта форма працы з уразьлівымі людзьмі знайшла шырокую падтрымку на месцах і пастаянна разьвіваецца. Напрыклад, у Сянно былыя мэдыкі-пэнсіянэры, якія аб’ядналіся ў міні-праект “Крыніца”, сталі незаменнымі памочнікамі сёстраў міласэрнасьці БТЧК. У Дуброўне ўжо некалькі гадоў дзейнічае праект “Дом без адзіноты”. Усяго ў вобласьці арганізавана каля 20 ініцыятыўных групаў пажылых людзей.

Крыніца: БелТА