Уладзімір Іваноў шмат гадоў адпрацаваў у органах МУС і на мытні, быў ліквідатарам наступстваў апарыі на ЧАЭС. Калі выйшаў на пенсію, увесь свой вольны час прысвячаў вывучэнню гісторыі роднага краю – хадзіў у вандроўкі, шмат працаваў у архівах, збіраў цікавыя артэфакты, разам з сябрам Пятром Марозавым стварыў на могілках у вёсцы Шэвіна унікальную экспазіцыю пад адкрытым небым, прысвечаную старажытным пахавальным абрадаў крывічоў.

Адной з тэмаў, якія цікавілі даследчыка, былі рэпрэсіі савецкага часу ў дачыненні да жыхароў віцебскага рэгіёну. Некалькі ягоных даследаванняў былі выдадзены, дзякуючы сяброўскай дапамозе аднадумцаў, асобныя «кніжкі» ён друкаваў за ўласны кошт і прапаноўваў пачытаць усім ахвотным. Уладзімір Іваноў быў удзельнікам грамадскай ініцыятывы «Хайсы- віцебскія Курапаты», шмат зрабіў для ўшанавання памяці ахвяраў сталінскага тэрору пад Віцебскам.

Сябры глыбока смуткуюць з нагоды смерці Уладзіміра Іванова, які пайшоў у лепшы свет на 75-м годзе жыцця.

Таццяна Віктарава