Для Аляксандра Корнышава новы статус яго старонкі ў Facebook стаў нечаканасцю, бо іншыя ягоныя старонкі ў сацыяльных сетках дагэтуль не прыцягвалі ўвагі пракурорскіх работнікаў або судоў.

«Нечакана тым болей таму, што ў Віцебску я прапісаны на тэрыторі Першамайскага раёна, а рашэнне пра мой «экстрэмізм» прымаў Кастрычніцкі райсуд. Зрэшты, тут логікі няма: у 2022 годзе сайт “Витебский курьер news», а таксама наш
Telegram-канал і Telegram-чат былі прызнаныя «экстрэмісцкімі» паводле рашэння суда Чыгуначнага раёна», - кажа Аляксандр Корнышаў.

З лістапада 2020 года ён вымушана жыве ў замежжы. У ліку многіх журналістаў і актывістаў, якія пакінулі радзіму, мужчыну абвясцілі ў міжнародны вышук на тэрыторыі Беларусі і Расіі. Сёлета ў траўні паводле рашэння МУС кааліцыя «Еўрапейскі выбар», удзельнікам якой з'яўляеецца Аляксандр Корнышаў, была прызнана «экстрэмісцкім фармаваннем».

Павел Пагодзін