На Хмяльніцкім пахаваньні стойкіх арганічных забруджвальнікаў выяўлена перавышэньне нарматываў пэстыцыдаў на сьвідравіне №3 ў дзесяткі разоў. Толькі Віцебскі аблвыканкам і Мінпрыроды сарвалі пляны яго ліквідацыі ў 2013-2014 гадох.

Сьледзтва па справе актывіста «Пляцформы» Міхаіла Жамчужнага, які знаходзіцца пад вартай у Віцебскім СІЗА, працягнутае да 19 красавіка генэральным пракурорам. Пра гэта Міхаіл паведаміў у лісьце да Тацьцяны Севярынец, каардынатаркі аргкамітэту па стварэньні БХД.

Гарадзкая пракуратура Віцебску ў якасьці мэтаду барацьбы з бытавой і рэцыдыўнай злачыннасьцю, сямейнымі дэбашырамі, вырашыла укараніць новы мэтад работы і правяла комплекснае мерапрыемства. Паводле яго вынікаў больш за 50 чалавек, якія маюць судзімасьці, стаяць на ўліку ў міліцыі або абвінавачаныя у парушэньні грамадзкага спакою, былі запрошаныя на прафіляктычную сустрэчу ў ППСМ УУС аблвыканкаму. Некалькі чалавек проста з залі адвялі ў кайданках.

Акцыя прыхільнікаў адраджэньня імпэрыі адбылася ў Віцебску. Як паведаміла ініцыятыва «Мая краіна Беларусь», у Віцебску невядомыя каля гандлёвага цэнтру «Эвіком» мінакам раздавалі сьцяжкі СССР і ўлёткі.