Серада, 03 Люты 2021

Аршанца асудзілі за абразу Лукашэнкі на 1 год і тры месяцы калоніі. Суд быў закрыты

Ацаніць гэты матэрыял
(3 галасоў)

Суд Аршанскага раёну і Воршы 1 лютага агучыў прысуд у крымінальнай справе паводле ч.1 арт. 368 (Абраза прэзідэнта РБ), распачатай супраць мясцовага жыхара Уладзіміра Шынкевіча. Ён прызнаны вінаватым і пакараны пазбаўленнем волі на 1 год і тры месяцы.

Па версіі следства, Уладзімір Шынкевіч апублікаваў у сацыяльнай сетцы «Одноклассники» зневажальны пост у дачыненні Лукашэнкі, паведамляе партал orsha.eu. Што канкрэтна ўтрымлівала публікацыя, невядома, бо справа разглядалася на закрытым судовым паседжанні.

Аршанец прызнаны вінаватым і пакараны пазбаўленнем волі на 1 год і тры месяцы. Адбываць пакаранне будзе ў папраўчай калоніі ва ўмовах агульнага рэжыму. Прысуд не набыў законнай моцы і можа быць абскарджаны і апратэставаны ва ўстаноўленым законам парадку, паведамляецца на афіцыйным сайце Вярхоўнага суду.