27 лютага старшыня пяршоўкі Беларускага Незалежнага прафсаюза (БНП) на Нафтане Вольга Брыцікава была затрымана на выбарчым участку, дзе праходзіў рэферэндум аб змяненнях у канстытуцыю Беларусі. 

Наваполацкі суд арыштаваў яе на 15 сутак, нібыта за парушэнне артыкула 24.23 КаАП РБ "Парушэнне парадку арганізацыі або правядзення масавых мерапрыемстваў". 

Са слоў відавочцаў прычынай затрымання стала тое, што Вольга прыйшла на ўчастак для галасавання ў жоўта-сінім адзенні. Па словах сябраў прафсаюза, суды па іншых двух адміністрацыйных артыкулах таксама прысудзілі Вользе яшчэ двойчы па 15 сутак.

 На дадзены момант старшыня прафсаюзнай спрадвечнай арганізацыі асуджана ўвогуле на 45 сутак і адбывае арышт у ізалятары Ушацкага РАУС Віцебскай вобласці. 

На арышт прафлідара ўжо адрэагавалі прафсаюзы Беларусі, а таксама міжнародныя прафсаюзныя аб'яднанні. 

Лісты або перадачы для Вольгі Брыцікавай трэба накіроўваць на адрас: вул. Ленінская, д. 26, пгт. Ушачы, Віцебскай вобласці, 211480, Беларусь. 

Віталь Кажух