У канцы 90-х гадоў у Віцебскай вобласці варочала крымінальная банда. Яе ўдзельнікі на працягу паўтара года здзейснілі 10 узброеных нападаў у Оршы, Лепелі і Мінску, з іх 4 з забойствамі.

Падчас апошняга нападу бандыты выпадкова сустрэлі супрацоўнікаў міліцыі, якія прыехалі па іншым выкліку. Праваахоўнікі вырашылі праверыць у іх дакументы, але злаўмыснікі пусціліся на ўцёкі.

Пасля чаго завязалася перастрэлка, падчас якой абвінавачаны Радзевіч для забеспячэння адыходу банды зрабіў з пісталета не менш за тры стрэлы ў бок праваахоўнікаў, якія іх пераследвалі. У выніку аднаго міліцыянта ён параніў.

Пры затрыманні арганізатар банды застрэліўся, яшчэ аднаго злачынца міліцыянты забілі ў перастрэлцы. Амаль усім астатнім судом былі прызначаныя вялікія тэрміны пазбаўлення волі. Толькі аднаму, абвінавачанаму, удзельніку банды ўдалося схавацца ад правасуддзя.

Віктар Радзевіч, спачатку, хаваўся ў Оршы, потым у Расіі, у Санкт-Пецярбургу. Там ён жыў пад іншым прозвішчам, меў сям'ю, працаваў у будаўніцтве.

Але ў жніўні 2021 года быў затрыманы паліцыяй і па рашэнні расійскага суда, дэпартаваны ў Беларусь.

Іван Сіротка