У судовым паседжанні быў агучаны факт таго, што Віктар у сацыяльнай сетцы «Аднакласнікі», выкарыстоўваючы свой рахунак са жніўня 2020 года захоўваў публікацыі, атрыманыя з інтэрнэт-старонкі «Афіцыйная група Хартыя’97». Раней гэтая група ўладамі была ўключаная ў рэспубліканскі спіс экстрэмісцкіх матэрыялаў. У судовым паседжанні мужчына віну і дачыненне прызнаў часткова.

Гэтага прызнання для суддзі Саян было дастаткова для таго, каб на падставе ч. 2 арт. 19.11 КаАП пакараць Лапцінскага штрафам у суме 740 рублёў і канфіскаваць у даход дзяржавы належны яму тэлефонны апарат.

Алег Рукавічны