У судзе Сяргей прызнаўся ў тым, што ён быў зарэгістраваны ў мэсэнджэры Тэлеграм і ў telegram-групе размясціў інфармацыйную прадукцыю суполак Белсат, Нехта, “Радыё Свабода”. Ён растлумачыў, што на момант размяшчэння гэтая інфармацыйная прадукцыя не з'яўлялася экстрэмісцкай і з-за гэтага своечасова яе не выдаліў.

Тым не менш, суддзя Карабліна палічыла, што прадпрымальнік учыніў правапарушэнне, прадугледжанае ч.2 арт.19.11 КаАП і пастанавіла аштрафаваць Канцавога ў даход дзяржавы на 30 базавых велічынь на суму 1 110 рублёў без канфіскацыі сродку ўчынення адміністрацыйнага правапарушэння. Пры вынясенні пакарання суддзя ўлічыла, што на ўтрыманні "правапарушальніка" знаходзяцца трое дзяцей.

Раман Міронаў