У судовым паседжанні «правапарушальніца» віну прызнала цалкам, указала, што з мэтай атрымання замежнай бязвыплатнай дапамогі звярнулася ў «INeedHelpBY», падаўшы дакументы, якія пацвярджаюць факт асуджэння яе былога мужа Яфрэменкі да пазбаўлення волі па крымінальнай справе. У далейшым, яна атрымала і выкарыстала ЗБД для аплаты 15 прадуктовых кошыкаў.

Тым не менш, суддзя Карабліна на падставе аб.2 п.2 Дэкрэта №3 "Аб замежнай бязвыплатнай дапамозе" пакарала Мар'яну Яфрэменку адміністрацыйным штрафам у памеры васьмі ста рублёў, а таксама спагнала ў даход дзяржавы кошт прадмета адміністрацыйнага правапарушэння - 2945,03. рубля замежнай бязвыплатнай дапамогі.

Рыта Лабус