У судзе высветлілася, што Сяргей, знаходзячыся на тэрыторыі Міжнароднага аўтамабільнага пункту пропуску «Грыгораўшчына» ў сацыяльнай сетцы «Аднакласнікі» размясціў інфармацыйную прадукцыю з сайта «Хартыя97». Раней усе публікацыі сайта ўлады занеслі ў рэспубліканскі спіс экстрэмісцкіх матэрыялаў.

У судовае паседжанне мужчына не з'явіўся. Аб месцы і часе разгляду справы быў належна апавешчаны. Пры складанні пратакола «правапарушальнік» прызнаў сваю віну ў здзяйсненні, заявіў пісьмовае хадайніцтва аб разглядзе справы ў яго адсутнасць.

Суддзя Баліка прыняў прызнанне віны як доказ здзяйснення Нікіціным адміністрацыйнага правапарушэння і на падставе ч.2 арт.19.11 КаАП падвергнуў яго штрафу ў даход дзяржавы ў памеры 1200 рублёў і канфіскаваў прыналежны кіроўцу тэлефон.

Сямён Кучын