Юліі Алейнік, адлічанай з ВДУ за надпіс «БЧБ Жыве», прысудзілі 2610 рублёў штрафу
28 верасня ў судзе Кастрычніцкага раёну Віцебску скончыўся разгляд крымінальнай справы ў дачыненні да 19-гадовай Юліі Алейнік, якую абвінавачвалі ў нанясенні надпісу «БЧБ Жыве» на каналізацыйным калектары (арт. 341 КК). Суд прызнаў яе вінаватай у псаванні маёмасці і аштрафаваў на 90 базавых велічынь (2610 рублёў). Дзяржаўны абвінаваўца патрабаваў прызначыць Юліі 100 базавых штрафу.
19-гадовую дзяўчыну адлічылі з віцебскага «худграфу» і судзяць за надпіс «БЧБ Жыве!»
У судзе Кастрычніцкага раёну Віцебску 27 верасня пачаўся разгляд крымінальнай справы, распачатай паводле арт. 341 КК («Апаганьванне збудаванняў і псаванне маёмасці») у дачыненні былой студэнткі віцебскага «худграфу» Юліі Алейнік. Яе абвінавачваюць у тым, што на бетоннай трубе яна напісала 7 літар: «БЧБ Жыве». Дзяўчыну ўжо адлічылі з універсітэту.
«Люцыфер у абліччы чалавека!» За абразу Лукашэнкі віцябляніна асудзілі на паўтара года калоніі
Віцяблянін Юры Серабро быў прызнаны вінаватым у публічнай абразе прэзідэнта Рэспублікі Беларусь (ч. 1 арт. 368 КК РБ). За невялікі каментар у «Інстаграм», у якім мужчына параўнаў Лукашэнку з Люцыферам, суддзя Сняжана Кіндзеева асудзіла яго на 1 год і 6 месяцаў калоніі. Серабро ўзялі пад варту проста ў зале суду. Увесь працэс, не лічачы перапынку, доўжыўся ўсяго 40 хвілін.
Віцябляніна Серабро судзяць за абразу Лукашэнкі. Пракурор просіць два гады калоніі
У судзе Кастрычніцкага раёну Віцебску 13 жніўня пачалі разглядаць крымінальную справу паводле ч.1 арт. 368 («Публічная абраза прэзідэнта РБ»). 41-гадовага Юрыя Серабро абвінавачваюць у тым, што 1 сакавіка ў «Інстаграм» ён размясціў абразлівы каментар на адрас Аляксандра Лукашэнкі. Пракурор папрасіў 2 гады калоніі. Рашэнне мусіць прыняць суддзя Сняжана Кіндзеева. Сам абвінавачаны адмовіўся ад адваката і прызнаў віну ў поўным аб'ёме.
Палітвязня Андрэя Новікава прысудзілі да двух з паловай гадоў калоніі
Абвінавачанні супраць падпалкоўніка расейскай паліцыі ў адстаўцы Андрэя Новікава былі выстаўленыя па двух артыкулах Крымінальнага кодэксу РБ: 371-2 («Незаконнае перасячэнне мяжы») і 342 ч. 1 («Арганізацыя групавых дзеянняў, якія груба парушаюць грамадскі парадак»). Суд Кастрычніцкага раёну Віцебску 5 жніўня прызнаў яго вінаватым па абодвух артыкулах і прысудзіў да двух з паловай годоў няволі. Падтрымаць на судзе актывіста «Краіны для Жыцця» прыехалі яго знаёмыя з Паставаў.
У Віцебску пачалі судзіць палітвязня Андрэя Новікава
Суд Кастрычніцкага раёну Віцебску 19 ліпеня пачаў разглядаць крымінальную справу ў дачыненні грамадзяніна РФ і актывіста «Краіны для жыцця» Андрэя Новікава. Падпалкоўніка расейскай паліцыі ў адстаўцы абвінавачваюць у злачынствах, прадугледжаных ч.1 арт. 342 і заўв.2 арт. 371 КК РБ.
Віцяблянін Андрэй Цімафеенка прызнаны палітвязнем
46-гадовы жыхар Віцебску Андрэй Цімафеенка, асуджаны 2 снежня да двух гадоў пазбаўлення волі (арт. 366 КК), прызнаны палітвязнем. Адпаведную заяву з патрабаваннем перагляду прысуду і вызвалення Цімафеенкі 16 студзеня прыняла праваабарончая супольнасць Беларусі. Палітвязнямі прызнаныя таксама мянчук Дзмітрый Караткевіч і гамяльчук Сяргей Яфімаў.
Два гады пазбаўлення волі – за замахванне гумавым дручком у бок міліцыянта
16 снежня ў судзе Кастрычніцкага раёну Віцебску агучылі прысуд у дачыненні да 27-гадовага мастака Уладзіслава Макавецкага. Віцяблянін прызнаны вінаватым ва ўчыненні злачынства, прадугледжанага арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Суддзя Сняжана Кіндзеева прызначыла пакаранне ў выглядзе пазбаўлення волі тэрмінам на два гады.
Пракурор запатрабаваў для Ўладзіслава Макавецкага тры гады пазбаўлення волі
15 снежня ў судзе Кастрычніцкага раёну Віцебску закончыліся судовае следства і судовыя спрэчкі ў крымінальнай справе віцебскага мастака Ўладзіслава Макавецкага. 27-гадовага разьбяра абвінавачваюць паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Пракурор запрасіў у суду пакараць яго зняволеннем на 3 гады. Прысуд агучаць 16 снежня.
Мастака Уладзіслава Макавецкага судзяць за тое, што замахнуўся на міліцыянта дубінкай
Суд Кастрычніцкага раёну Віцебску 9 снежня пачаў разглядаць крымінальную справу віцебскага мастака Уладзіслава Макавецкага, абвінавачанага ў злачынстве паводле арт. 364 КК («Гвалт або пагроза ўжывання гвалту ў дачыненні супрацоўніка ўнутраных спраў»). Віцябляніну пагражае да 6 гадоў пазбаўлення волі.