Аўторак, 04 Сакавік 2025

За “распаўсюд экстрэмізму” судзілі жонку, цяпер мужа

Ацаніць гэты матэрыял
(0 галасоў)
За “распаўсюд экстрэмізму” судзілі жонку, цяпер мужа

4 сакавіка ў раскладзе суда Кастрычніцкага раёна Віцебска з’явілася нетыповае для Беларусі імя - Хорхе Эліэсер Даса Гайтан. Мужчыну, які працуе лекарам, судзяць паводле ч.2 арт.19.11 КаАП. У мінулым месяцы той самы суд разбіраў  справу Вольгі Даса Гайтан, распачатую паводле таго самага артыкула.

Супрацоўніцу «СберБанка» Вольгу Даса Гайтан  судзілі па паводле ч.2 арт.19.11 КаАП  21  і 27 лютага.

Паводле інфармацыі  Тэлеграм-канала “Витебск, я гуляю”, Хорхе Эліэсер Даса Гайтан паходзіць з Калумбіі, у Віцебску ён скончыў медычны ўніверсітэт і застаўся тут працаваць траўматолагам.

Яго судовую справу, як і справу Вольгі, разбірае суддзя Ганна Кот.

Сяргей Маўчанаў

Апублікавана ў Адміністрацыйны перасьлед
Яшчэ ў гэтым разьдзеле: « У Оршы на гэтым тыдні 5 разоў судзілі за “распаўсюд экстрэмізму” Кіраўніка турыстычнай фірмы «Віцебск-МегаТур» судзяць за аватаркі ў Фэйсбуку »
Вярнуцца ў пачатак