ААТ “БелВітуніфарм” сарвала плян рэалізацыі інвэстыцыйнага праекту коштам больш за Br19 млрд. Пра гэта на сумесным паседжаньні калегіі Камітэту дзяржаўнага кантролю і пракуратуры Віцебскай вобласьці па пытаньні эфэктыўнасьці плянаў мадэрнізацыі і выкарыстаньня абсталяваньня паведаміла намесьніца старшыні абласнога КДК Юлія Аўхукова.

Супрацоўнікамі падразьдзяленьняў па барацьбе з эканамічнымі злачынствамі УУС Віцебскага аблвыканкаму і Лепельскага РАУС у выніку апэратыўна-прафіляктычных мерапрыемстваў, накіраваных на спыненьне злоўжываньняў з боку службовых асоб у сфэры будаўніцтва, у Віцебскай вобласьці выкрытая злачынная схема, у якую былі ўцягнутыя прадстаўнікі камэрцыйных структур і органаў дзяржаўнай улады.

Падчас маніторынгу судоў Віцебску праваабаронцам Паўлам Левінавым быў выяўлены факт – у судзе Кастрычніцкага раёну, дзе старшынём ёсьць Яўген Буруноў, чыніць правасудзьдзе судзьдзя Алена Протас, ягоная жонка.

Скаргу на службовую асобу ў Віцебскі гарвыканкам падавалі сябры КХП-БНФ Ян Дзяржаўцаў, Пятро Сарапеня і Алег Емяльянаў. Намесьніца старшыні адміністрацыі Першамайскага раёну Віцебску Вольга Гурчанка адказала на іх заяўку на пікет, складзеную па-беларуску, на расейскай мове. Гэткім чынам, на думку скаржнікаў, чыноўніца парушыла Закон аб зваротах грамадзян і юрыдычных асоб, які патрабуе ад службоўцаў адказваць на мове звароту.